| e-texts navigator |
| Wylie |
9a1 དོན་དུ་རུང་བ་ཡོང་མ་ཡིན།། རྫོགས་པ་ཆེན་པོའི་ཆོས་ཉིད་ལ།། སྤང་བ་གང་ཡང་མེད་པའི་ཕྱིར།། དོན་དུ་རུང་བ་ཡོད་མ་ཡིན།། གཉིས་མེད་ཡེ་ཤེས་འོད་ལྔ།། མཚན་མ་ཅི་ཡང་མི་སྡང་ཕྱིར།
9a2 བླང་དུ་རུང་བ་ཡོང་མ་ཡིན།། ཅེས་གསུངས་སོ།། གསོལ་པ། ཀྵེ། གསང་བའི་བདག་པོ་ལགས།། མ་འདྲེས་ཡོངས་རྫོགས་ཞེས་བྱ་བ།། དེ་དོན་བདག་ལ་བསྟན་དུ་གསོལ།། གསང་བའི་བདག་པོས་གསུངས་པ།། མཁའ
9a3 ལ་གཟུགས་སོགས་མ་འདྲེས་པ།། ཆུ་ནང་ཕྱོགས་སུ་ཡོངསུ་རྫོགས།། འབྱུང་བ་རྣམ་བཞི་མ་འདྲེས་པ།། ནམཁའི་ངང་དུ་ཡོངས་སུ་རྫོགས།། སྣ་ཚོགས་དང་སྔ་མ་འདྲེས་པ།། ཟ་འོག་སྣམ་བུར་ཡོངས་སུ་རྫོགས།།
9a4 མཚོན་རྩི་རྣམ་སྔ་མ་འདྲེས་པ།། དཀྱིལ་འཁོར་ཆེན་པོ་ཡོངས་སུ་རྫོགས།། རིན་ཆེན་སྣ་བཞིར་མ་འདྲེས་པ།། རི་བོ་མཆོག་རབ་ཡོངས་སུ་རྫོགས།། ཀུན་རྫོབ་ཕྱོགས་ནས་མ་འདྲེས་པ།། དོན་དམ་ཕྱོགས་སུ་ཡོངསུ་རྫོགས།།
9a5 ཆོས་ཆེན་ཕྱོགས་ནས་མ་འདྲེས་པ།། ཆོས་ཉིད་ཕྱོགས་སུ་ཡོངས་སུ་རྫོགས།། བསམ་དབང་ཕྱོགས་ནས་མ་འདྲེས་པ།། དངོས་དབང་ཕྱོགས་ནས་མ་ཡོངས་སུ་རྫོགས།། འཁྲུལ་དབང་ཕྱོགས་ནས་མ་འདྲེས་པ།
9a6 གཉིས་མེད་ཕྱོགསུ་ཡོངས་སུ་རྫོགས།། བརྒྱད་ཀྱི་ལྷ་སྤྱོད་མ་འདྲེས་པ།། ཨ་ཏི་ཡོ་གར་ཡོངས་སུ་རྫོགས།། ཡང་གསོལ་པ།། ཀྱཻ་གསང་བའི་བདག་པོ་ལགས།། སྤྱི་སྒྱིངས་རྒྱལ་པོ་ཞེས་བགྱི་བ།། དེ་དོན་བདག
iiif viewer powered by OpenSeadragon
