| e-texts navigator |
| Wylie |
8b1 དུ་ཅག་པ་ལཊ་ལ་ལའི་སྨན་ཡང་ལ་ལའི་དག། ཧ་ལ་ནག་པོའི་དུག་དག་ཀྱང་།། ཐབས་མཁས་གཟའ་ལེགས་སྨན་གྱི་མཆོག། སྨན་གྱི་རྒྱལ་པོ་བཅུད་ལེན་ཡང་།། ཐབས་མ་མཁས་ཤིང་བཟའ་ཉེས་ན།། ཧ་ལ་ནག་པོའི་དུག་དང་མཚུངས།། འདོད
8b2 ཆགས་ཞེ་སྡང་གཏི་མུད་ཀྱང་།། བསྐྱེད་པ་མེད་པའི་ཡེ་ཤེས་ཡིན།། རང་བྱུང་ཡེ་ཤེས་ཆེན་པོ་ཡང་།། རྣམ་རྟོག་རླུང་གིས་བསྐྱོད་ཙམ་ན།། འདོད་ཆགས་ཞེ་སྡ་གཏི་མུག་ཡིན།། ས་འོག་གནས་པའི་གསེར་དག་ཀྱང་།། བདག་པོ་མེད་ན
8b3 བརྡོ་དང་འདྲ།། དགོས་པ་ཅི་ཡང་ཚེ་རྒྱུ་མེད།། ཀུན་ལ་ཡོད་པའི་བྱང་ཆུབ་སེམས།། ཡེ་ཤེས་མེད་ན་འཁྲུལ་པ་ཡིན།། དགོས་པ་ཅི་ཡང་ཚེ་རྒྱུ་མེད།། མི་གཡོ་ཡེ་ཤེས་ལྡན་གྱུར་ན།། ཐིག་ལེ་ཉག་ཅིག་ཆོས་ཀྱི་སྐུ།། བྱིན་བརླབས
8b4 ཡིད་བཞིན་ནོར་བུའི་ཚུལ།། དེ་ནས་སེམས་དཔའ་རྡོ་རྗེས།། གསང་བའི་བདག་པོ་ལ་འདི་སྐད་ཅེས་གསོལ་ཏོ།། ཀྱེ་གསང་བའི་བདག་པོ་ལེགས་རྫོགས་པ་ཆེན་པོའི་ངེས་ཚིག་ཇི་ལྟར་ལགས།། དེ་ལ་བླང་དོར་ཡོད་དམ་མེད
8b5 གསང་བའི་བདག་པོས་གསུངས་པ།། ཇི་ལྟར་ན་མཁའ་མཚན་ཉིད་དུ།། སྣང་ཉིད་མ་བཀག་ཤོད་པ་ལྟར།། རྫོགས་པ་ཆེན་པོའི་མཚན་ཉིད་དུ།། མེད་པའི་ཆོས་དང་ཡོད་པའི་ཆོས།། དེ་བཞིན་སྲིད་དང་མི་སྲིད་པ།། སངས
8b6 རྒྱས་སེམས་ཅན་བདེ་སྡུག་བསྔལ།། བཟང་ངན་ཆེ་ཆུང་སྐྱེ་ན་ཡོན་ཏན།། ལྷག་མ་མེད་པར་ཡོངས་རྫོགས་པས།། དེ་ཕྱིར་དེ་ལ་རྫོགས་ཞེས་བྱ།། རིན་པོ་ཆེའི་སེར་གླིང་དུ།། ཐམས་ཅད་གསེར་ལས་མེད་པའི་ཕྱིར།།
iiif viewer powered by OpenSeadragon
