| e-texts navigator |
| Wylie |
7b1 ཡོངས་སུ་རྫོགས།། དེ་བཞིན་ཆོས་རྣམས་ཐམས་ཅད་ཀྱང་།། གཉིས་མེད་ཡེ་ཤེས་ངོ་ཁ་ལ།། དེ་ཉིད་མ་འདྲེས་ཡོངས་སུ་རྫོགས།། མཁའ་ལ་ཤར་བའི་གཟུགས་ཚོགས་རྣམས།། དངས་པའི་རྒྱ་མཚོ་ཆེན་པོ་རུ།། བླངས་པ་མེད་ཅིང་དོར་བ་མེད།
7b2 གཟུང་བ་མེད་ཅིང་དོར་བ་མེད།། མཁའ་ལ་གཟུགས་སོགས་ཤར་བ་རྣམས།། ཆུ་ནང་གཟུགས་བརྙན་ཤུགས་ཀྱིས་འབྱུང་།། ཀུན་གཞི་མཁའ་ལ་ཉི་ཤར་བས།། རིག་པའི་རྩ་ལ་ཤུགས་ཤུགས་ཀྱིས་འབྱུང་།། མཁའ་ལ་ཤར་བའི
7b3 གཟུགས་སོགས་དང་།། ཆུ་ནང་དག་གི་གཟུགས་བརྙན་གཉིས།། ཅིག་པ་མ་ཡིན་ཐ་དད་མིན།། དེ་བཞིན་རིག་པའི་རྒྱལ་པོ་དང་།། རིག་པའི་རྩལ་དུ་སྣང་བ་གཉིས།། ཅིག་པ་མ་ཡིན་ཐ་དད་མིན།། དཔེར་མན་མཁའི་གཟུགས་ཅིག་ལ
7b4 ཆུ་ནང་གཟུགས་བརྙན་བསམ་མི་ཁྱབ།། དེ་བཞིན་རིག་པ་ཅིག་པ་ལས།། རིག་པའི་རྩལ་ཤུགས་བསམ་མི་ཁྱབ།། དཔེར་ན་ཆུ་ནང་ཟླ་བ་ཡང་།། སྣང་ཡང་དེ་ལ་རང་བཞིན་མེད།། དེ་བཞིན་རིག་པའི་རྩལ་སྣང་བ།། སྣང་ཡང་དེ་ལ
7b5 རང་བཞིན་མེད།། མཚོན་ལྔ་འདྲེས་པའི་ཁ་དོག་ལ།། འདི་ཞེསྲ་ཅིག་ཏུ་ངོས་བཟུང་མེད།། དེ་བཞིན་སོ་སོར་དབྱེར་མེད་ཀྱང་།། ཀུན་བྲལ་ཅི་ཡང་མ་སྤངས་པའོ།། ཆེས་རྣམས་འདུས་པའི་ཡེ་ཤེས་ལ།། འདི་ཞེས་ཅིག
7b6 ཏུ་ངོས་བཟུང་མེད།། དེ་བཞིན་སོ་སོར་དབྱེ་བ་ཡང་།། ཀུན་བྲལ་ཅི་ཡང་མ་སྤངས་པའོ།། སྣ་ཚོགས་དར་གྱི་མིང་རྣམས་ཀྱང་།། ཟ་འོག་རྣམ་བུར་བྱས་ཙམ་མ།། སྣ་ཚོགས་དང་མིང་བྲལ་ནས་ཀྱང་།། རྨ་བུར་རྟག་པ་ཇི་བཞི
iiif viewer powered by OpenSeadragon
