| e-texts navigator |
| Wylie |
7a1 དམིགས་པའི་ཏིང་འཛིན་སྒོམ་པས་སྒོམ་པ་ཟད་མ་མིན།། གསལ་བའི་ཡེ་ཤེས་ཡེ་ཤེས་ཟང་མ་མིན།། སྒྲུབ་པའི་འབྲས་བུ་འབྲས་བུ་ཟང་མཆིན།། ཕྱོགས་ལྷུང་ཡོད་ན་ལྟ་ཟང་མ་མིན།།
7a2 འཕེ་འགྱུར་ཡོད་ན་ཆོས་ཉིད་ཟད་མ་མིན།། འབྱུང་བའི་སྤྱོད་པ་སྤྱོད་པ་ཟང་མ་མིན།། དམིགས་པ་མེད་ན་སྒོམ་པཟང་མ་ཡིན།། གསལ་སྒྲིབ་མེད་མ་ཡེ་ཤེས་ཟང་མ་ཡིན།། ལྷུན་གྱིས་གྲུབ་ན་ཡེ་ཤེས་ཟང་མ་ཡིན།
7a3 ཕྱོགས་ལྟུང་མེད་ན་ལྟ་བཟང་མ་ཡིན།། འཕོ་འགྱུར་མེད་ན་ཆོས་ཉིད་ཟད་མ་ཡིན།། ཀྱཻ། སེམས་དཔའ་ཆེན་པོ་དེ་ལྟ་བས་ན།། ཆོས་ཇི་བཞིན་པའི་དཔལ་བློ་ཇི་བཞིན་པ་བཞག་སྟེ།། དབང་པོ་རྒྱ་ཡན།། རིག་པ་ཁྱབ་བརྡལ།།
7a4 ལུས་སེམས་བཅོས་པ་མེད་པར་བཞག་གོ།། དབང་པོ་ཡུལ་ལ་ཡན་པ་བསྡུ་མི་བྱ།། ཡུལ་དང་དབང་པོ་མི་དབྱེ་ལྷག་པར་བཞག། ཆོས་རྣམས་ངོ་ཡིས་མི་བཟུང་གྱི་ནར་བཞག། མཉམ་བཞག་ཡེངས་ལ་བཞག་ཅིང་།། རྗེས་ཐོབ་ཏུ
7a5 ལྟར་བཙའ།། ཅེས་གསུངས་སོ།། ཡང་གསོལ་པ།། ཀྱཻ། གསང་བའི་བདག་པོ་ལགས།། དཔེ་མཚོན་ཚིག་གིས་ལྡེ་མིག་གིས།། དོན་གྱི་གསང་སྒོ་དབྱེ་བ་དེ་དོན་བདག་ལ་བསྟན་དུ་གསོལ།། གསང་བའི་བདག་པོས་གསུངས་པ།།
7a6 སེམས་དཔའ་ཆེན་པོ་ཉོན་ཅིམ།། དཔེས་མཚོན་ཚིག་གི་ལྡེ་མིག་གིས།། དོན་གྱི་གསང་སྒོ་དབྱེ་བྱ་སྟེ།། དེ་དོན་བསྟན་པ་འདི་ལྟ་སྟེ། མཁའ་ལ་ཤར་བའི་གཟུགས་སོགས་རྣམས།། དངས་པའི་རྒྱ་མཚོ་ཆེན་པོ་རུ།། དེ་ཉིད་མ་འདྲེས
iiif viewer powered by OpenSeadragon
