| e-texts navigator |
| Wylie |
6a1 ཀུན་གྱི་འབྱུང་གནས་ཡིན་པར་ཡིད་ཀྱང་ཆེས།། ཐམས་ཅད་ཉིད་ལ་གནས་པའི་ཕྱིར།། ཀུན་གྱི་གཞི་མ་ཡིན་པར་ཡིད་ཀྱང་ཆེས།། ཐམས་ཅད་ཞིང་ལས་གྱེས་པའི་ཕྱིར།། ཀུན་གྱི་སྡོང་པོ་ཡིན་པར་ཡིད
6a2 ཀྱང་ཆེས་ཐམས་ཅད་ཉིད་ལས་མེད་པའི་ཕྱིར།། ཀུན་གྱི་ངོ་བོ་ཡིན་པར་ཡིད་ཀྱང་ཆེས།། སྣང་མེད་ཀུན་ལ་ཁྱབ་པས་ན།། བརྡལ་བ་ཆེན་པོ་ཡིན་པར་ཡིད་ཀྱང་ཆེས།། ཅིག་ལས་དུ་མར་བགྲང་དུ་མེད་པའི་ཕྱིར།། ཐིག་ལེ་ཉག
6a3 ཅིག་ཡིན་པར་ཡིད་ཀྱང་ཆེས།། དུས་གསུམ་འཕོ་འགྱུར་མེད་པར་བྱ་བའི་ཕྱིར།། མི་ནུབ་རྒྱལ་མཚན་ཡིན་པར་ཡིད་ཀྱང་ཆེས།། རབ་ལ་ཡོད་ཅིང་རྟོགས་པར་དཀའ་བའི་ཕྱིར།། གསང་བའི་མན་ངག་ཡིན་པར་ཡིད་ཀྱང་ཆེས།།
6a4 ཅེས་གསོལ་ཏོ།། དེ་ནས་སེམས་དཔའི་རྡོ་རྗེས་གསང་བའི་བདག་པོ་ལ་འདི་སྐད་ཅེས་གསོལ་ཏོ།། ཀྱཻ། གསང་བའི་བདག་པོ་ལགས།། བླ་མེད་བྱང་ཆུབ་ཆེན་པོ་འདི།། བཅོས་པས་གྲུབ་བམ་མ་བཅོས་གྲུབ།། གསང་བའི་བདག་པོས
6a5 བསྟན་དུ་གསོལ།། གསང་བའི་བདག་པོས་གསུང་པ།། ཀྱཻ། སེམས་དཔའ་ཆེན་པོ་ཉོན་ཅིག། བླ་མེད་བྱང་ཆུབ་ཆེན་པོ་འདི། བཅོས་པས་གྲུབ་པ་མ་ཡིན་ཏེ།། མ་བཅོས་རྣལ་དུ་བཞག་པས་གྲུབ།། སྔར་འདས་སངས
6a6 རྒྱས་ཐམས་ཅད་ཀྱང་།། ཇི་བཞིན་པ་ལ་བཅོས་པ་མེད།། ད་ལྟར་སངས་རྒྱས་ཐམས་ཅད་ཀྱང་།། ཇི་བཞིན་པ་ལ་བཅོས་མི་མཛད།། མ་འོངས་སངས་རྒྱས་ཐམས་ཅད་ཀྱང་།། ཇི་བཞིན་པ་ལ་བཅོས་མི་འགྱུར།། གསང་བའི་བདག་པོ་ཕྲིས
iiif viewer powered by OpenSeadragon
