| e-texts navigator |
| Wylie |
1b1 རྒྱ་གར་སྐད་དུ། ཨུ་པ་ད་ཤ་སརྦ་པུ་ཏྲ་ཤྲི་མཱ་ཧཱ་སུ་ཀ་ན་མ་སུ་ཏཾ། བོད་སྐད་དུ། མན་ངག་ཐམས་ཅད་ཀྱི་སྡོམས། དཔལ་བདེ་བ་ཆེན་པོ་ལ་ཕྱག་འཚལ་ལོ།།
1b2 མན་ངག་སྤྱིའི་རྒྱ་མདུད་འདི། བློ་དམན་རྣམས་ཀྱིས་མི་ཁྲོལ་བ། ཕོ་སྲུང་འདྲ་བ་ལྟ་བའི་བཀྲོལ། མ་རིག་ཐར་མས་སྔོན་པོ་འདི།། རྨོངས་པ་རྣམས་ཀྱི་མི་ཕྱེད་པ།། འཕྲུལ་གྱི་ལྡེ་མིག་འདི་ཡིས་ཕྱེ།།
1b3 དེ་ལ་ཐོག་མར་གསང་བའི་བདག་པོས།། ཉིད་ཀྱི་བྱང་ཆུབ་སེམས། བསོད་ནམས་ཀྱི་ངོ་བོ་ཡིན་པས། སེམས་དཔའ་རྡོ་རྗེས་རིག་ཅིང་རྟོགས་སམ། ཞེས་བྱ་བ་བྲི་བའི་ཕྱིར། འདི་སྐད་ཅེས
1b4 གསུངས་སོ།། ཀྱཻ་སེམས་དཔའ་རྡོ་རྗེ་ཉོན་ཅིག། ངའི་བྱང་ཆུབ་སེམས་ནིག་ནི།། ཡེ་ཤེས་ལྔའི་རང་བཞིན་པས།། དེ་དོན་ཁྱོད་ཀྱིས་རྟོགས་གྱུར་རམ།། སེམས་དཔའ་རྡོ་རྗེས་ཡང་གསོལ་པ།།
1b5 ཀྱེ་གསང་བའི་བདག་པོ་ལགས།། ཉིད་ཀྱི་བྱང་ཆུབ་སེམས་ཅིག་ན།། ཡེ་ཤེས་ལྔའི་རང་བཞིན་པ།། དེ་དོན་བདག་གིས་རྟོགས་གྱུར་ཏེ།། སེམས་ཉིད་དབྱིངས་ནས་མ་གཡོས་པ།།
iiif viewer powered by OpenSeadragon
