| e-texts navigator |
| Wylie |
18a1 དེ་ལྟར་གནས་པ་ནི།། དགུ་པ་གསང་བས་གྲུབ་པ་ཡིན།། མ་བསྒྲུབས་རང་གསལ་མཉམ་པ་ཉིད།། སྐུ་གསུམ་འཁོར་ལོ་བསམ་མི་ཁྱབ།། རིག་པས་དེ་ལྟར་གསལ་གྱུར་པ།། མཚན་མེད་རིག་པའི་འཁོར་ལོ་ཅན།། སྐུ་གསུང།
18a2 མཛད་པ་མི་འགག་ཀྱང་།། བྱ་བྲལ་འཕྲིན་ལས་ལྷན་རྫོགས་པས།། རྩ་ལ་བྲལ་རེག་པའི་འཕྲིན་ལས་ནི།། བདུན་གཉིས་ཅིག་ཏུ་ངེས་པར་བསྟན།། དེ་ལྟར་ཐབས་ཀྱི་ཁྱད་པར་གྱིས།། བགྲོད་པས་ཕྱིན་པར་མི་འགྱུར་གྱིས།། མ་བཅོས་ཡི་ནས
18a3 བླ་མའི་ས།། ས་ལམ་བཅུ་པ་ཉིད་དུ་ཤེས།། འབྲས་བུ་ལྷན་གྲུབ་ཆེན་པོ་ལ།། ཡེ་ཤེས་ངོ་བོ་སྣང་ཚུལ་དེ།། དེ་དག་ངེས་པར་དབྱེ་བར་བྱ།། རང་གསལ་རིག་པ་མཆོག་གི་ཉམས།། ཐམས་ཅད་གསལ་བའི་ངོ་བོ་སྟེ།། བཅུ་གཉིས་ཡེ་ཤེས་རིག་པའི
18a4 ལུག། སྣང་ཚུལ་ནོར་བུ་རིན་ཆེན་ལྟར།། ཕྱོགས་རིས་མི་མངའ་ལྷུན་གྲུབ་པས།། ཇི་ལྟར་བལྟས་པ་དེ་ལྟར་སྣང་།། བཅུ་དྲུག་འབྲས་བུ་གསང་བ་པོ།། ཀུན་ཀྱང་ཐིག་ལེ་བྱང་ཆུབ་སེམས།། རང་གསལ་དྲི་མེད་གསང་བའི་ཉམས། མ་བཅོས་རིག་པ་མངོན
18a5 སུམ།། ཐཾང་འདུས་པ་ལྔ་པའོ།། ཞེས་གསུང་སོ།། ཉ་མོ་འཁོར་ལོའི་རྒྱུད་ལས།། ཡེ་ཤེས་འབྲེལ་བའི་ལེའུ་སྟེ་བཅུ་གཅིག་པའོ།། ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྙིང་པོས་འདི་སྐད་ཅེས་གསོལ་ཏོ།། དུས
18a6 གསུམ་སངས་རྒྱས་ཐ~ཾད་ཀྱི།། མཁྱེན་པའི་ཡེ་ཤེས་སྤྱོད་ཡུལ་ལ།། འདི་དང་འདི་ཞེས་མི་གནས་ཀྱང་།། གསང་བའི་ཡེ་ཤེས་བསམ་མི་ཁྱབ།། དེ་ཉིད་མཚོན་ཞིང་ཤེས་པའི་ཕྱིར།། བདག་ལ་ངེས་པར་གསལ་བར་གསུངས།། ཞེས་ཞུས་སོ།། དེ་ནས
iiif viewer powered by OpenSeadragon
