| e-texts navigator |
| Wylie |
7b1 མཚོན་དུ་མེད་པའི་ཆོས་ཉིད་ལ།། མཚོན་དུ་མེད་པའི་ཚིག་བརྗོད་ནས།། མཚོན་པའི་ཚིག་ལས་རྣམ་པར་གྲོལ།། ལེགས་སོ་སེམས་དཔའ་རྡོ་རྗེ་ཆེ།། དོན་དམ་ཡི་གེ་མེད་པའི་རྒྱུད།། ཁྱོད་ལ་གཏད་དོ་བདེ་བ་ཆེ།། རང་འབྱུང་ཡེ་ཤེས་རྒྱས་ཐོབ་ལ།། ཐིག་ལེ
7b2 ཉག་ཅིག་དང་ལ་བཞོག། ཀུན་ཏུ་བཟང་པོ་བདེ་བ་ཆེ།། ཐིག་ལེ་ཆེན་པོ་ཡི་གེ་མེད།། བྱ་བ་མེད་པ་རྣམ་པར་གྲོལ།། གྲོལ་ནས་གྲོལ་བའི་ལམ་ཡང་ཤར།། ཀུན་རིག་སེམས་ལ་མངོན་པར་བསྟོད།། ཆོས་ཐམས་ཅད་ན་མཁའ་དང་མཉམ་པ་ཡི་གེ་མེད་པའི
7b3 རྒྱུད། བཅོམ་ལྡན་འདས་ཀུན་རིག་རྒྱལ་པོས་གསུངས་པ་རྫོགས་སོ།། རྒྱ་གར་གྱི་མཁན་པོ་ཤྲི་སིང་ང་དང་། བོད་ཀྱི་ལོ་ཆ་ང་བོ་རོ་ཙ་ནས་བསྒྱུར་བའོ།། @##། རྒྱ་གར་སྐད་དུ། སརྦ་དྷམ་མ་ཧཱ་སན་ཏིའོ
7b4 ཏ་སཾ་ས་ར་མུ་ལ་ཚེ་དྷ་ས་མུ་ཏྲ་ས་མན་ཏ་ན་བྷི་ལ་ཏན་ཏྲ། བོད་སྐད་དུ། ཆོས་ཐམས་ཅད་བྱང་ཆུབ་ཀྱི་སེམས་རྫོགས་པ་ཆེན་པོ་འཁོར་བ་རྩ་ད་ནས་གཅོད་པ་རྒྱ་མཚོ་དང་མཉམ་པ་རྙོག་མ་མེད་པའི་རྒྱུད།། བཅོམ་ལྡན་འདས་ཀུན་རིག་རྒྱལ་པོ་ལ་ཕྱག
7b5 འཚལ་ལོ།། འདི་སྐད་སྟོན་པས་གནས་འཁོར་དུས།། སངས་རྒྱས་རིན་ཆེན་ཟ་མ་ཏོག། རྙོག་མེད་རྒྱ་མཚོ་ལྟ་བུའི་ཀློང་།། འཁོར་བའི་རྒྱ་མཚོ་རྩ་ནས་གཅད།། ཀུན་བཟངས་ཐུགས་ཀྱི་བྱིན་བརླབས་ཀྱིས།། ཞལ་གྱི་པདྨ་འཛུམ་པ་ལས།།
7b6 ལྗགས་ཀྱི་འོད་ཟེར་ཕྱོགས་བཅུར་འཕྲོས།། འཇིག་རྟེན་ཁམས་འདི་དྲུག་ཏུ་གཡོས།། དེ་ནས་སེམས་དཔའ་རྡོ་རྗེ་ཡིས།། བཅོམ་ལྡན་འདས་ལ་འདི་སྐད་གསོལ།། འདས་པ་ཀུན་གྱི་སྔོན་རོལ་ནས།། ཕྱོགས་བཅུ་སངས་རྒྱས་ཀུན་གྱི་ཡབ།།
iiif viewer powered by OpenSeadragon
