| e-texts navigator |
| Wylie |
7a1 པའི་དབྱིངས་ཉིད་དུ།། མ་གཡོས་པ་རུ་ཡིད་གནས་པས།། མ་བསྒྲུབས་པའི་འབྲས་བུ་སྟེར།། མ་བསམས་པ་རུ་རེ་བ་སྐོངས།། ཡེ་ཤེས་ཆེན་པོའི་རོས་གང་པས།། མཚོན་དུ་ཡོད་པ་མ་ཡིན་ཏེ།། ཡེ་ཤེས་རོལ་པས་འགྲོ་དོན
7a2 རྫོགས། ནམཁའ་དང་མཉམ་པ་ཡི་གེ་མེད་པའི་རྒྱུད་ལས། སྐུ་གསུམ་ཐིག་ལེར་རྫོགས་པའི་ལེའུ་སྟེ་བཅུ་གསུམ་པའོ།། ། དེ་ནས་བཅོམ་ལྡན་འདི་སྐད་གསུང་།། ཅིར་སྣང་དེ་བཞིན་ཉིད་དུ་གཅིག། འདི་ལ་བཅོས་བསླད་མ
7a3 བྱེད་ཅིག། མ་བཅོས་མཉམ་པའི་རྒྱལ་པོ་དེ།། མི་རྟོག་ཆོས་སྐུའི་དགོངས་པར་གནས།། སྐྱེ་མེད་ལྟ་བ་སྟོང་པ་ཉིད།། ཀུན་ཁྱབ་བསྒོམས་པ་གཉིས་སུ་མེད།། འཁྲུལ་སྤྱོད་སེམས་ཀྱི་རྒྱན་དུ་རོལ།། རྟོགས་པའི་འབྲས་བུ་ཐིག་ལེར་གཅིག། དུས
7a4 གསུམ་གཅིག་སྟེ་ཁྱད་པར་མེད།། གཏན་ཚིག་བཞི་རུ་གཅིག་པའི་ཕྱིར།། ང་ལས་བྱུང་ཞིང་ང་རུ་ཐིམ།། ངའི་རང་བཞིན་འོད་གསལ་ལོ།། ཨེ་མ་སེམས་དཔའ་རྡོ་རྗེ་ཆེ།། ན་མཁའི་མཐའ་ལྟར་ལོངས་སྤྱོད་པས།། ཆོས་དབྱིངས་རྒྱ་མཚོ་ཟད་མི
7a5 ཤེས། བདུད་རྩི་ཐིགས་པ་ལྕེ་ལ་ཞོག། རྒྱལ་པོ་བཙོན་དུ་བཟུང་ཁ་དང་།། གངས་རི་རྩེ་ནས་སྙིལ་བ་སྟེ།། ཤིང་རྟའི་གཟེར་མགོ་གཅད་པར་བྱ།། མཁའ་ལྟར་ཡི་གེ་མེད་པའི་རྒྱུད།། རང་རིག་སེམས་ཀྱི་དཀྱིལ་དུ་ཆོངས།། ཐུགས་རྗེ་ཡེ་ཤེས
7a6 རོལ་པར་འཆར།། ཨེ་མ་ཀུན་བཟངས་རྒྱལ་བའི་ཡབ།། མ་འདྲེས་ཡོངས་རྫོགས་ཟབ་ཅིང་ཡངས།། ནམ་མཁའ་ལྟ་བུའི་རྒྱུད་བསྟན་པ།། མིང་ཚིག་ཡི་གེ་མེད་པ་ལ།། བསྟན་དུ་འོང་བ་ཅིའི་ཕྱིར།། བཅོམ་ལྡན་ཀུན་བཟངས་བཀའ་སྩལ་པ།།
iiif viewer powered by OpenSeadragon
