| e-texts navigator |
| Wylie |
6b1 རིག་པ་ནང་ན་བསལ།། རྫོགས་ཆེན་རྟོགས་ཀྱི་འབྱོར་ནི།། གསེར་གླིང་བདལ་བའི་ཀློང་ཆེ་མ་བཞིན།། གང་བལྟས་རྫོགས་པ་ཆེན་པོའི་ཀློང་།། དུག་སྦྲུལ་འབར་བའི་མདུད་པ་བཞིན།། རྩོལ་བསྒྲུབ་མེད་པར་རང་སར་གྲོལ།། གཉིས་མེད་གཉིས་སུ་མེད
6b2 པའི་ཕྱིར།། སྐུ་གསུང་ཐུགས་ལ་བརྟེན་མི་འཆི།། འབྱུང་བ་ལྔ་ལ་རག་མ་ལུས།། སྲིད་གསུམ་ཡེ་ནས་རྣམ་པར་དག། འདོད་ཡོན་ཡེ་ཤེས་ལྔ་རུ་རོལ།། དུག་ལྔ་སྐུ་ལྔའི་ངང་དུ་ཐིམ།། སྡུག་བསྔལ་ཆོས་ཉིད་དབྱིངས་ཀྱི་རྒྱན།། རྣམ་རྟོག་ཡེ་ཤེས་ཆེན
6b3 འབར།། འཁྲུལ་པའི་འགྲོ་འོད་ཟད་པ་དང་། འབྲས་བུ་ཐོབ་ཞེས་རེ་བ་མེད།། མེད་ནས་དོན་མེད་མ་ཡིན་ཏེ།། ལོངས་སྐུ་གཉིས་མེད་ཐམས་ཅད་རྟོགས།། ནམཁའ་དང་མཉམ་པ་ཡི་གེ་མེད་པའི་རྒྱུད་ལས།། འདོད་གསལ་གཉིས་མེད་ཀྱི་ལེའུ
6b4 སྟེ་བཅུ་གཉིས་པའོ།། །། དེ་ནས་བཅོམ་ལྡན་བཀའ་སྩལ་པ།། མིང་ཚིག་སྒྲ་ལས་འདས་པས་ཆེ།། མ་བསླབས་ཀུན་ལ་གྲོལ་བས་མཁས།། མ་བསམས་སྐྱེ་བ་མེད་པ་ཨ།། མ་བསྒོམས་དབྱིབས་སུ་ཐིམ་པས་ཏི།། ཡོ་ག་རྫོགས
6b5 ཆེན་ཆོས་ཀྱི་རྩི།། ཤིན་ཏུ་རྣལ་འབྱོར་ལྷའི་ལྷ།། རྫོད་བཞི་གཉིས་མེད་ཚི་གཅིག་ལྷ།། འཕྲང་བ་ཞི་དབྱེར་མེད་ཚིག་ཆོད་ལྷ།། ཀློང་བཞི་ཟུང་འཇུག་འདའ་ཀའི་ལྷ།། དབུལ་མོ་གཏེར་སྤྲད་སྐུ་བཞིའི་རྡེང་།། རྫོགས་པ་ཆེན་པོ་སྭ་གཅིག་པ།། གང་གི
6b6 དེ་རྟོགས་དེའི་ས།། ཡོངས་སུ་རྫོགས་པས་ཆོས་ཀྱི་རྩི།། བདེ་བ་ཆེ་ལས་གཞན་མེད་དོ།། སྨྲ་བསམ་བརྗོད་མེད་ཆོས་ཉིད་སྐུ།། གཉིས་མེད་བདེ་བ་ཆེན་པོའི་ཀློང་།། སྤྲུལ་བརྒྱན་དང་རོལ་པར་ཤར།། སྐུ་ལྔ་ཡེ་ཤེས་ཐིག་ལེར་རྫོགས།། མ་སྐྱེས
iiif viewer powered by OpenSeadragon
