| e-texts navigator |
| Wylie |
6a1 བཅུ་པའོ།། ། དེ་ནས་བཅོམ་ལྡན་བཀའ་སྩལ་པ།། ཆོས་རྣམས་ཐམས་ཅད་སྟོང་པ་ཉིད།། གཞིག་ཀྱང་རང་བཞིན་རྣམ་པར་དག། རྣམ་པར་མི་རྟོགས་སྤྲོས་བྲལ་མཁའ།། ངོ་བོ་གཟུགས་མེད་ཚོར་བ་མེད།།
6a2 འདུ་ཤེས་འདུ་བྱེད་རྣམ་ཤེས་སྟོང་།། དབང་པོ་ལྔ་དང་ཡུལ་ཡང་སྟོང་།། སྐྱེ་མཆེད་ཁམས་དང་རྟེན་འབྲེལ་སྟོང་།། བདེན་བཞི་གསལ་དང་སྤྲོས་བྲལ་སྟོང་།། ལྷ་དང་ཕྱག་རྒྱ་སྔགས་ཀྱང་མེད།། ཐབས་དང་ཤེས་རབ་བདེ་བ་སྟོང་།། དབུས་མཐའ
6a3 གཉིས་མེད་ཚིག་ཀྱང་མེད།། མེད་དེ་མེད་པའི་སྙིང་པོ་ཅན།། ཡོད་དེ་རྟག་པའི་མཐའ་ལས་འདས།། མཐའ་བྲལ་དོན་གྱི་ཆོས་སྐུ་འདི།། ཕྱོགས་མེད་རྐྱེན་རྣམས་ཀུན་དང་བྲལ།། རང་སྣང་ཐབས་ཀྱི་ཡེ་ཤེས་རོལ།། ཤེས་པ་ཤེས་བྱར་རྣམ་པར་དག།
6a4 སྤྲོས་བྲལ་བསམ་འདས་སྨྲ་རུ་མེད།། མཐའ་བྲལ་ཚིག་གིས་མི་ཕེབས་ལ།། བསྒོམ་ཡོད་བློའི་རྟོག་པ་ཡིན།། བསྒོམ་མེད་སྐུར་བདེ་བས་ལྟ་བ་ལ།། དེས་ན་གཉིས་མེད་བདེ་ཆེན་ཀློང་།། སྤང་བྱ་བླང་བྱ་གཉིས་མེད་རྫོང་།། བཏང་སྙོམས་མངོན་གྱུར
6a5 མེད་པ་ཉིད།། མི་རྟོགས་ན་མཁའི་མཐའ་ལྟར་ཡངས།། ན་མཁའ་དང་མཉམ་པ་ཡི་གེ་མེད་པའི་རྒྱུད་ལས།། ཆོས་ཉིད་སྟོང་པ་ཉིད་ཀྱི་ལེའུ་སྟེ་བཅུ་གཅིག་པའོ།། ། དེ་ནས་བཅོམ་ལྡན་བཀའ་སྩལ་པ།། ཆོས་རྣམས་འོད་གསལ་གཉིས
6a6 མེད་ལ།། བདག་དུ་མི་རྟོག་གཞན་མི་རྟོག། མི་རྟོག་རྟོག་ལས་རྣམ་པར་གྲོལ།། གཉིས་མེད་བདེ་བ་ཆེན་པོ་ལ།། དཔེར་ན་གླང་ཆེན་ལྕགས་ཀྱུ་བཞིན།། མ་ཡེངས་དྲན་པ་རང་སར་གྲོལ།། གསེར་བུམ་ཏིལ་གྱི་སྒྲོན་མེ་བཞིན།། འགྱུར་མེད
iiif viewer powered by OpenSeadragon
