| e-texts navigator |
| Wylie |
5a1 ཨེ་མ་རང་ལ་གནས་བཞིན་དུ།། སྤྱད་པས་ཐོབ་འདོད་ཨེ་མ་འཁྲུལ།། སྤྱོད་བྱེད་བྲལ་བའི་ཡེ་ཤེས་ལ།། སངས་རྒྱས་སེམས་ཅན་གཉིས་མེད་དེ།། ལམ་གྱིས་བཅོས་སུ་ག་ལ་ཡོད།། ཅི་ཕྱིར་དགག་བསྒྲུབ་མེད་པ་ལ།།
5a2 རྩ་ལ་སྤྲུགས་སྨོན་ཆགས་རེ་དོགས་མེད།། ངོ་མཚར་སྨད་འབྱུང་རོལ་པ་འདི།། རྟག་ན་བདེ་བ་ཆེན་པ་རོ་རྟག། ཆད་ན་འཁོར་བ་རྩད་ནས་ཆད།། བྱི་། ཆོས་ཉིད་དབྱིངས་སུ་བྱིང་།། རྒོད་ན་ཡེ་ཤེས་རོལ་པར་རྒོད།། མཉམ་ན་མི་མཉམ་མཉམ་ཉིད་ཀློང
5a3 ཐིམ་ནི་འཁྲལ་སྣང་ཆོས་ཉིད་ཐིམ།། སྐྱེ་མེད་དོན་དེ་ཡི་གེ་གཅིག། བྱ་བྲལ་མཁའ་ལྟར་ཡི་གེ་མེད།། ཡི་གེ་མེད་པྲ་རྒྱུད་ཀུན་མཆོག། ཨེ་མ་རྣམ་དག་བྱ་བརྩལ་བྲལ།། བྱ་བྲལ་དང་ལྔ་རྣ་པར་རོལ།། ཅི་སྤྱོད་དོན་ལ་ས་མ་གཡོས་ཤིང་།། ། ཐུགས་འཕྲད
5a4 རང་གྲེལ་རྩིས་གཟིམ་ན།། མིང་ཙམ་སྤྱོད་ཞེས་དེ་ལ་བྱ།། ནམ་མཁའ་དང་མཉམ་པ་ཡི་གེ་མེད་པའི་རྒྱུད་ལས།། རྣམ་རྟོག་ཡེ་ཤེས་སུ་འབར་བའི་ལེའུ་སྟེ་བརྒྱད་པའོ།། ། དེ་ནས་བཅོམ་ལྡན་བཀའ་སྩལ་པ།། གདོད་ནས་མ་སྐྱེས་དོན
5a5 གྱིས།། ཐོབ་བསྒྲུབ་ཀུན་གྱི་ཡུལ་ལས་འདས།། རེ་དོགས་བློ་ལས་རྣམ་པར་གྲོལ།། གོ་བའི་ཡུལ་ན་བདེ་བ་ཆེ།། ངང་དང་རང་བཞིན་བདག་ཉིད་ཀློང་།། རང་བཞིན་རྣམ་པར་དག་པ་ལ།། རོལ་པ་འགག་པ་མེད་པར་ཤར།། མཚན་ཉིད་དབྱེར་མེད་ཆེན་པོ
5a6 ལ། བློ་རྟོག་ཆོས་ཉིད་དབྱིངས་སུ་གྲོལ།། རྟོག་མེད་མཉམ་ཉིད་ཆོས་ཀྱི་སྐུ།། བདེ་བ་ཆེན་པོ་ལོངས་སྤྱོད་སྐུ།། རྩལ་དུ་ཤར་པ་སྤྲུལ་པའི་སྐུ།། འདུ་འབྲལ་མེད་པས་རྡོ་རྗེའི་སྐུ།། ཚིག་གི་ཐ་སྙད་མ་ལགས་སམ།། གདོད་ནས་སྙིང་པོ་བྱང་ཆུབ་ལ
iiif viewer powered by OpenSeadragon
