| e-texts navigator |
| Wylie |
4a1 ཆེན་བཞིན། ཁྱབ་བདལ་མི་འགྱུར་ཀུན་རྫོགས་གྲོལ།། ཉི་མ་སྤྲིན་མེད་སྙིང་པོ་བཞིམ།། དུས་གསུམ་འགྲིབ་མེད་དེ་བཞིན་ཉིད།། བརྒྱ་བྱིན་གཙུག་གི་ནོར་བུ་བཞིན།། འདོད་དགུ་འབྱུང་ལ་འགྲམ་ཟླ་མེད།། མ་ཀི་ཏའི
4a2 སྨན་བཞིན་དུ། གང་ལ་རེག་པ་སྨན་དུ་འགྱུར།། དགྲ་བཅོམ་རྒྱལ་སྲས་མི་ལུས་མཆོག། རྟོགས་ན་ཁྱད་པར་ཡོད་པའོ།། རྟོགས་པའི་ཐབས་སུ་ཐ~ཾད་ཤར།། ན་མཁའ་དང་མཉམ་པ་ཡི་གེ་མེད་པའི་རྒྱུད་ལས།། རྟོགས་ལྡན་མཆོག
4a3 གི་ལེའུ་སྟེ་ལྔ་པའོ།། །། དེ་ནས་བཅོམ་ལྡན་བཀའ་སྩལ་པ།། ཆོས་ཉིད་རང་བཞིན་འོད་གསལ་ལ།། སྒྲོ་སྐུར་ལྟ་བ་ཀུན་དང་བྲལ།། ཐམས་ཅད་གཅིག་གི་རང་བཞིན་ལ།། སྤང་འགེགས་བྱིས་པས་བསླད་པ་མེད།།
4a4 དབྱེར་མེད་ཡེ་ཤེས་ལྔ་ལྡན་ལ།། སྦྱོང་བགྲོད་གཉིས་ལྟ་རང་སར་གྲོལ།། སྐྱེ་འགག་གཉིས་སུ་མེད་པ་ལ།། སྒྱུར་དང་སྤྱོད་ལྔ་རྣམ་པར་དག། དག་པའི་ཀློང་ན་བསྲུང་འཚམས་མེད།། མཉམ་པས་རིམ་པ་བཀོད་པ་མེད།། རྟོགས་པས
4a5 ལྟ་བའི་ཡུལ་ལས་འདས།། གསལ་བས་བསམ་གཏན་སྤྲོས་དང་བྲལ།། ཡུལ་ལས་འདས་པས་སྤྱད་དུ་མེད།། ལྷུན་གྱིས་གྲུབ་པས་རྩོལ་བསྒྲུབ་མེད།། མ་ཡེངས་དྲན་པས་སྤོས་དང་བྲལ།། སྔགས་དང་ཕྱག་རྒྱ་རྣམ་པར་དག།
4a6 སྟོང་ཉིད་དངལ་མཆོད་བཤགས་མེད།། འཁོར་འདས་ཁྱབ་བདལ་ཆེན་པོ་ལ།། འཕྲིན་ལས་རྣམ་བཞི་གདོད་ནས་རྫོགས།། འགྲོ་བ་མུ་ཏེགས་རིམ་དགུ་རྫོགས།། ལམ་ལྔ་ཕ་རོལ་ཕྱིམ་བཅུ་རྫོགས།། འཁོར་འདས་བྱང་ཆུབ་སེམས་སུ་རྫོགས
iiif viewer powered by OpenSeadragon
