| e-texts navigator |
| Wylie |
3b1 ལས་ཀྱི་རླུང་གིས་བརླབས།། ཞེ་སྡང་དམྱལ་བ་ཚ་གྲང་འཁོར།། སེར་སྣ་བཀྲེས་སྐོམ་ཡི་དགས་འཁོར།། གཏི་མུག་བླུན་ལྐུག་བྱོལ་སོང་འཁོར།། འཕྲ་དོག་འགྱུར་བ་མི་རུ་འཁོར།། ང་རྒྱལ་འཐབ་བརྩོད་ལྷ་མིན་འཁོར།། འདོད་ཆགས་ལྟུང
3b2 བ་ལྔ་རུ་འཁོར།། འཁོར་བ་ཟོ་ཆུའི་འཁྱུར་མོ་འདྲ།། ལྷ་མི་གཙང་མའི་ལུས་ཐོབ་ཀྱང་།། མ་རྟོགས་བར་དུ་འཁོར་བར་འཁྱམས།། ཐོག་མཐའ་མེད་ཀྱང་རྟོགས་ན་ཡོད།། ཨེ་མ་ཀུན་བཟངས་བདེ་བ་ཆེ།། གཞི་དང་འཁྲུལ་པ་གང་ལས་བྱུང
3b3 གཅིག་པ་ཡིན་ནམ་ཐ་དད་ཡིན།། སངས་རྒྱས་སེམས་ཅན་གང་སྔ་ལགས།། ཀུན་རིག་རྒྱལ་པོས་བཀའ་སྩལ་པ། རྐྱེན་སྣང་ག་བུར་སྨན་དུག་ཚུལ།། གསེར་གྱི་ཉ་མོ་བག་ལ་ཉལ།། ན་མཁའ་སྤྲིན་གྱི་དཔེའ་ཡིས་མཚོན།། ནམ་མཁའ
3b4 དང་མཉམ་པ་ཡི་གེ་མེད་པའི་རྒྱུད་ལས།། འཁྲུལ་ཚུལ་གནད་ཀྱི་ལེའུ་སྟེ་བཞི་པའོ།། ། དེ་ནས་བཅོམ་ལྡན་བཀའ་སྩལ་པ།། ཆོས་ཉིད་རྣམ་པར་དག་པ་ལ།། མ་རིག་འཁྲུལ་པའི་གྲིབ་མས་བསྒྲིབས།། བསྒྲིབས་ཀྱང
3b5 ཆོས་ཉིད་སྤོས་དང་བྲལ།། ཁྱབ་བདལ་དོན་འདི་སུ་རྟོགས་པ།། རྒྱལ་སྲས་བཞིན་དུ་དབུལ་བ་སངས།། འདུ་འཕྲུལ་གཉིས་མེད་ཀུན་ཏུ་བཟང་།། མཚན་མ་མ་སྤངས་རང་སར་གྲོལ།། འཁོར་བ་མ་བཀག་གནས་སུ་དག། འཁྲུལ་པ་མ
3b6 བསལ་རྩ་ནས་ཆོད།། དུག་ལྔ་མ་བསྒྱུར་ཆོས་ཉིད་ཀློང་།། རྩོལ་བསྒྲུབ་མེད་པར་ཡེ་སངས་རྒྱས།། ཡིན་པའི་དོན་ལ་ཡིན་པར་ཤེས།། དཔེར་མ་གསེར་ལ་གསེར་མཐོང་བཞིན།། ཡིད་ཀྱི་རྣམ་རྟོག་ཟད་པའོ།། ནམཁའ་ཆེན་པོའི་ཀློང
iiif viewer powered by OpenSeadragon
