| e-texts navigator |
| Wylie |
3a1 ལས། སྐྱེ་མེད་རྣམ་པར་དག་པའི་ལེའུ་སྟེ་གཉིས་པའོ།། །། དེ་ནས་བཅོམ་ལྡན་བཀའ་སྩལ་པ།། རྣམ་པར་མི་རྟོགས་སྙིང་པོ་འདི།། ཡོངས་ཀྱི་རྒྱུད་ལ་སྦས་པ་མེད།། དོན་དམ་ཆོས་ཉིད་སྙིང་པོ་འདི།།
3a2 ཀུན་ལ་ཏིལ་མར་བཞིན་དུ་ཁྱབ།། ཟ་མ་ཏོག་གི་ནོར་བུ་བཞིན།། ལྷུན་གྱིས་གྲུབ་ཅིང་ཚང་བའོ།། མི་འགྱུར་ཀུན་རྫོགས་ན་མཁའ་ཆེ།། ཁྱབ་བདལ་འུབ་ཆུབ་ཐིག་ལེར་གཅིག། བརྗོད་བྲལ་རང་གྲོལ་གནས་སུ་དག། རྒྱལ་བ་རྣམས་ཀྱི་ཐུགས་དང
3a3 ནི། སེམས་ཅན་རྣམས་ཀྱི་རྒྱུད་ལ་ཡང་།། སྙིང་པོ་ཡེ་ཤེས་ཡོངས་ལ་ཁྱབ།། མ་ལུས་ཡེ་ཤེས་ཆེན་པོར་གནས།། ཡེ་ཤེས་ཆེན་པོ་གང་འདོད་པ།། རང་གི་སེམས་ལ་བཙལ་བར་བགྱི།། སེམས་ཀྱི་ཆོས་ཉིད་སྐྱེ་བ་མེད།། ཆོས་ཅན་ཐམས་ཅད
3a4 དེ་བོས་སྟོང་།། མ་རྟོགས་བར་དུ་ཤེས་མི་འགྱུར།། ཡང་དག་བདེན་པའི་སྙིང་པོ་འདི།། རྟོགས་ལྡན་འགའི་སྤྱོད་ཡུལ་ཡིན།། སེམས་ནི་ཡེ་ནས་རྣམ་པར་དག། ཨེ་མ་རང་ལ་གནས་བཞིན་དུ།། གཞན་ནས་ཐོབ་འདོད་ནོར་པའི་ལམ།། རྟོགས
3a5 པར་གྱུར་ན་དེ་བཞིན་ཉིད།། ། མ་རྟོགས་མུན་པའི་མཚོ་ལ་སྤྱོད།། ནམ་མཁའ་དང་མཉམ་པ་ཡི་གེ་མེད་པའི་རྒྱུད་ལས།། ཀུན་ཁྱབ་ཡངས་པའི་ལེའུ་སྟེ་གསུམ་པའོ།། ། དེ་ནས་བཅོམ་ལྡན་བཀའ་སྩལ་པ།།
3a6 འཁོར་བ་ཐོག་མཐའ་མེད་པ་ནས།། ལྷན་ཅིག་སྐྱེས་པའི་མ་རིག་པས།། ཀུམ་ནས་སློང་བའི་ས་བོན་བྱས།། ལས་དང་ཉོན་མོངས་རྐྱེན་བྱས་ནས།། ཀུན་བརྟགས་མ་རིག་པ་ཡིས་འཁོར།། གྲིབ་མ་གཟུགས་ཀྱི་དཔེ་བཞིན་ནོ།། བསྐྱོད་བྱེད
iiif viewer powered by OpenSeadragon
