| e-texts navigator |
| Wylie |
35b1 ཨེ་མ་མཁའགྲོའི་ཕྱག་ན་ནི།། ཀློང་དགུ་ལེའུ་འབུམ་ཕྲག་ལྔ།། བམ་པོ་བརྒྱད་ཁྲི་བཞི་སྟོང་ལས།། སྟོན་པ་བབ་མོའི་རྒྱུད་བཞི་ཕྱུང་།། རྒྱུད་བཞི་འགྲེལ་བཞི་རྩ་བ་བཞི།། སྟོན་པ་སྐུ་གསུ་ཆོས་ཡིན་ལ།། རྒྱན་ཆོས་བརྒྱད་དང་མན་ངག་གཅིག།
35b2 ཤྲི་སིང་ང་བ་ཡིས་བྱས།། ཆོས་ནི་ཉི་ཤུ་རྩ་ཅིག་ལས།། ལྷགས་ན་གཞན་གྱིས་བསླད་དེ་ལྟུང་།། ཆད་ན་མ་བུ་མི་འཁྲིགས་སོ།། ཁ་བྱང་གསེར་གྱི་ཐིགས་པའོ།། །། བཛྲ་ས་ཏ་ཨུ་ཁཾ་དྷེ་ཤ།། སློབ་དཔོན་སྙིང་བཏོན་གདམ་ངག་ཐོབ།། མཚམས
35b3 མེད་གསུམ་གྱིས་རྫོགས་སངས་རྒྱས།། ཕ་མ་བསད་པས་འབྲས་བུ་སྟེག། ལྟ་བས་དམྱལ་བ་ཤིན་ཏུ་ཆེ།། སྣང་བ་ཐ~ཾད་བརྫུན་ལམ་ཁྱེར།། ཅི་སྤྱོད་མོ་གཤམ་བུ་བཞིན་སྤྱོད།། འཁོར་བའི་ཆོས་ལ་ཆགས་པ་སྐྱེད།། བྱ་ལམ་ཁམ་སུ་ཅིག་པུ་སྟོད
35b4 འགྲོ་དྲུག་མ་ཏོགས་སེམས་ཅན་གཉིས།། སྦྲུལ་སྐུ་དམྱལ་བའི་གནས་སུ་འགྲོ།། འགའ་གའི་ཆུ་དང་སིན་དུའི་མཚོ།། ཁྱོད་ཀྱིས་སྲེས་ལ་རྟག་ཏུ་འཐུང་།། ཡུཾ་གྱི་བ་ག་རྒྱུན་དུ་ལྟོས།། བཙུན་མོ་དེས་ཀྱང་མེ་ལོང་སྟོན།། ལྡེམ་དགོངས་གསེར་གྱི
35b5 ཐིགས་པའོ།། མ་ཧཱ་ཀ་རུ་ན་མུ་ནེ།། ལྡེམ་པོ་དགོངས་པ་མ་གྲོ་བར།། སྒྲ་བཞིན་སྤྱད་ན་ལོག་པའི་ལམ།། གོ་རྟོགས་ཁོང་ནས་མ་ཤར་བར།། ཁ་འབྱམ་སོང་ན་བདུད་ཀྱིས་ཁྱེར།། བློ་ཆུང་ཐོས་པ་ཆུང་བ་ནི།། ཁྲོན་པ་ནང་གི་རུས་སྦལ
35b6 འདྲ། བསྟན་ཆོས་ཚིག་མང་ཞེན་པ་ནི།། དོན་མྱ་ངན་སོག་པའི་རྒྱུ།། རིག་པ་ཅུད་ཀྱང་གཟེགས་ན་ནི།། ལོག་ལྟའི་ཤེས་པ་སྐྱེ་ཉེན་ཡོད།། ཡང་དག་དོན་གྱི་རྡེང་མེད་པར།། རྒྱུ་འབྲས་བཀག་ན་ཐར་ལམ་མེད།། དྷོ་ཧ་བཛྲ་གི་ཏ་མ་ཀོ་ལ་ཨ་ཧོ།།
iiif viewer powered by OpenSeadragon
