| e-texts navigator |
| Wylie |
31a1 ཆེན་པོ་སྤྲུལ་པའི་སྐུ།། འགག་མེད་རོལ་པ་ཅིར་ཡང་སྣང་།། སྣང་བ་རང་རིག་གཉིས་མེད་རྫོགས།། ངག་གིས་སྔགས་དང་སྒྲ་དབྱངས་སྒྲགས།། འཇིག་རྟེན་འཆལ་ཚིག་སྨྲ་མི་བྱ།། དཔེར་ན་བི་མ་དའི་སྐད་བཞིན་དུ།།
31a2 འགག་མེད་གྲག་སྟོང་རྫོགས་པའི་སྐུ།། སེམས་ནི་ཡི་ནས་རྣམ་པར་དག། ཉོན་མོངས་ལྔའི་སྐྱོན་དང་བྲལ།། ཨེ་མ་རང་ལ་གནས་བཞིན་དུ།། སྤྱད་པས་ཐོབ་འདོད་ཨེ་མ་འཁྲུལ།། གཉིས་མེད་དོམ་དམ་མཆོག་གི་སྐབས།། སྨྱོ
31a3 བྱེད་བྲལ་བའི་ཡེ་ཤེས་ལ།། སངས་རྒྱས་སེམས་ཅན་གཉིས་མེད་དེ།། ལམ་གྱིས་སྤྱད་དུ་ག་ལ་ཡོད།། ཅི་སྟེ་དགག་བསྒྲུབ་མེད་པ་ལ།། རྩལ་སྦུགས་སྨོན་ཆགས་ཡུལ་ལས་འདས།། ཟབ་མོ་བདུད་རྩི་ཚིག་གསུམ་བསྐབས།། དགེ་སྡིག
31a4 རྫོགས་པའི་ཚོགས་ཆེན་པོ།། རྟོགས་ལྡན་འགའི་སྤྱོད་ཡུལ་ཡིན།། བླུན་པོ་རྣམས་ནི་སྐྲག་པར་འགྱུར།། དཔེར་ན་དུག་གི་རང་བཞིན་ལ།། རྨ་བྱ་དག་ལ་རྒྱན་གྱིས་མཛེས།། གཞན་རྣམས་ལ་ནི་དུག་གིས་འཇིགས།། སངས་རྒྱས་དགོངས་པ
31a5 ཉིད་ཀྱི་སྐབས།། ཐམས་ཅད་རྫོགས་པའི་ཆོས་ཆེན་པོ།། སྐྱེ་འགག་མེད་པར་ལྷུན་གྱིས་གྲུབ།། ཁྱབ་བདལ་མ་བཅོས་ཡེ་སངས་རྒྱས།། མཐའ་བྲལ་གཉིས་མེད་ཁོ་ནའོ།། དོན་འདི་ངེས་པར་རྟོགས་ན་ནི།། རྒྱལ་བ་ཉིད་དང་མཉམ་པ་ཡིན།།
31a6 བྱ་བ་རྩལ་ཐམས་ཅད་བྲལ་བའི་སྐབས།། སེམས་ཉིད་དོན་གྱི་ཡེ་ཤེས་ལ།། སྤྱད་པར་བྱ་བའི་གནས་དང་བྲལ།། བྱ་བྲལ་དང་ལ་རྣམ་པར་རོལ།། མིང་ཙམ་སྤྱོད་ཞེས་དེ་ལ་བྱ།། རྟོགས་ལྡན་རྣལ་འབྱོར་མཆོག་གི་སྐབས།། འབར་བ
iiif viewer powered by OpenSeadragon
