| e-texts navigator |
| Wylie |
30b1 ཡིས་རིག་པ་ལས།། ཆོས་ནི་གཞན་ནས་འབྱུང་མི་འགྱུར།། ཚིག་ཙམ་གཞན་ལ་རྟེན་འདྲ་ཡང་།། དངོས་སུ་བདེ་ཆེན་རང་ལ་ཤར།། ཐུགས་རྗེ་གསང་བ་གདམ་པའི་སྐབས།། བདེ་ཆེན་རང་ཤར་ཏིང་འཛིན་འདི།། རྐུན་པོའི་ནོར་བཞིན་གསང་བར་བྱ།།
30b2 འདོད་པ་མ་བྲེལ་བར་ནི།། ཁ་འཇམ་སྲིགཉུ་དོ་སྟོད་ཟེར།། འདོད་པའི་དོན་དེ་ཕྲལ་ནས་སུ།། རྒྱབ་ཀྱིས་ཕྱོགས་ནས་སློབ་དཔོན་གསང།། རང་གི་ངོ་བོ་སྨྲ་བྱེད་པ།། ཆག་པ་མོའི་འདུ་ཤེས་སྐྱེ།། དེ་འདྲའི་དོན་དུ་གསང་བར་བྱ།། ཡེ་ཤེས
30b3 གསལ་བ་ཆོས་ཀྱི་དཔྱོངས།། རྡོ་རྗེ་སེམས་དཔས་གསུངས་པ་རྫོགསོ།། ། @#།། རྒྱ་གར་སྐད་དུ། ཛྙཱ་ན་ཛ་ལ་ཡེ་དྷརྨཱ། བོད་སྐད་དུ། ཡེ་ཤེས་འབར་བ་ཆོས་ཀྱི་དབྱིངས།། དཔལ་རྡོ་རྗེ་སེམས་དཔའ་ལ་ཕྱག
30b4 འཚལ་ལོ།། སྐྱེ་མེད་སྤྲོས་དང་བྲལ་བའི་སྐབས།། གདོད་ནས་གཉིས་མེད་སྙིང་པོ་ཨ།། བླང་དོར་རྟོག་པ་ཀུན་དང་བྲལ།། སྐྱེ་མེད་དོན་དམ་ཆོས་ཉིད་ཀློང་།། སྤྱོད་པའི་དམ་པ་ཁོ་ནའོ།། འགྲོ་འཆག་ཉལ་དང་འདུག་པ་རྣམས།།
30b5 སྤྱོད་དོན་ལས་མི་གཡོས་ཤིང་།། དོན་དམ་བདེ་བའི་རྩིས་ཟིན་ན།། སྤྱོད་པ་ཞེས་ནི་དེ་ལ་བྱ།། ཕྱི་ནང་གསང་བ་ཁོ་ན་ཉིད།། ཕྱི་རྟོགས་ནང་དུ་བསྡུ་བ་དང་།། ནང་རྟོགས་གསང་བར་བསྟིམ་པ་སྟེ།། གསང་རྟོགས་ཁོ་ན་ཉིད་དུ་གྲོག
30b6 སྒོ་གསུམ་ཡེ་ཤེས་རོལ་པའི་སྐབས།། ལུས་ངག་ཡིད་གསུམ་སྤྱོད་པ་ནི།། ལུས་ནི་འབྱུང་ལྔ་འདུས་པའི་ལུས།། སྐུ་ལྔ་ཡེ་ཤེས་རོལ་པ་ཡིས།། རྟོག་མེད་རྟུལ་ཤུགས་ཆེན་པོ་སྤྱོད།། ཉམ་པ་མེད་པའི་སེང་གེ་བཞིན།། འབར་བ
iiif viewer powered by OpenSeadragon
