| e-texts navigator |
| Wylie |
2b1 ལྟ་སྒོམ་སྤྱོད་འབྲས་བྱེ་བྲག་གང་། ཐམས་ཅད་སེམས་ཉིད་ཤར་བ་ལ།། བར་དོའི་ཤེས་པ་ཡོད་དམ་མེད།། རིག་པ་སྤྲོས་དང་བྲལ་བ་ལ།། བསྒོམ་དུ་ཡོད་པ་ཡིན་ནམ་མེན།། སྣ་ཚོགས་རང་བཞིན་གཉིས་མེད་ལ།། འབྲས་བུ་ཐོབ་དུ་ཡོད་དམ
2b2 མེད།། མཚོན་མེད་ཐིག་ལེའི་ཡེ་ཤེས་ལ།། ཐུགས་རྗེ་འབྱུང་ངམ་མི་འབྱུང་ལགས།། ནམ་མཁའ་དང་མཉམ་པ་ཡི་གེ་མེད་པའི་རྒྱུད་ལས།། གླེབ་གཞིའི་ལེའུ་སྟེ་དང་བའོ།། །། དེ་ནས་བཅོམ་ལྡན་བཀའ་སྩལ་པ།། སྐྱེ་བ་མེད་ལས
2b3 ཐཾངད་སྐྱེས། སྐྱེས་ཙམ་ཉིད་ན་ངོ་བོས་སྟོང་།། དེ་ཉིད་སྐྱེ་མེད་སྙིང་པོ་ཡིན།། གདོད་ནས་མ་སྐྱེསཚིག་ལས་འདས།། སྤྲོས་བྲལ་བརྗོད་མེད་ཁོ་ན་ཉིད།། མཐའ་བྲལ་གཉིས་མེད་དོན་དམ་ཀློང་།། བགག་བྱ་བ་སྒྲུབ་བྱ་རྣམ་པར་དག། མ་སྐྱེས་རྡོ་རྗེ
2b4 གཉིས་མེད་དང་།། ཡིད་ལ་མི་བྱེད་བྱ་བརྩལ་བྲལ།། མ་བཅོས་སྤྲོས་མེད་ཆོས་ཀྱི་དབྱིངས།། མཐའ་བྲལ་མི་དམིགས་རང་བཞིན་དག། བགྲོད་མེད་ལྷན་གྲུབ་ཡངས་པ་ཆེ།། ཀུན་གྲོལ་ཉག་ཅིག་བདེ་བ་ཆེ།། དམིགས་མེད་ཡེ་ཤེས་རང་སྣང
2b5 དང་། ཁྱབ་བདལ་མཁའ་གསལ་དག་པའི་ཆོས།། སྤྲོས་མེད་བྱང་ཆུབ་སྙིང་པོའི་རྫོངཔ།། བསམ་འདས་བརྗོད་མེད་པང་སར་གྲོལ།། མི་འགྱུར་མཉམ་ཉིད་དཔེ་དང་བྲལ།། དཔེའ་བྲལ་ཡེ་ཤེས་མཚོན་དུ་མེད།། གཉིས་མེད་རྫོགས་པས་མཐའ
2b6 བྲལ་རྫོབ།། མི་སྐྱེ་མི་འགག་ཅིར་མི་དགོངས།། འགག་མེད་ཨ་ལི་ཀ་ལིར་རོལ།། དགག་བསྒྲུབ་མེད་པའི་ཡེ་ཤེས་ནི།། རྒྱུ་ཡིས་མ་བསྐྱེད་རྐྱེན་དང་ཁྲལ།། རྟོང་གསལ་དབྱེར་མེད་ཡེ་ཤེས་ཅན།། ནམ་མཁའ་དང་མཉམ་པ་ཡི་གེ་མེད་པའི་རྒྱུད
iiif viewer powered by OpenSeadragon
