| e-texts navigator |
| Wylie |
29b1 པས་རང་སར་གྲོལ།། གསེར་བུམ་ཏིལ་གྱི་སྒྲོན་མེ་བཞིན།། འགྱུར་མེད་རིག་པ་ནང་ན་གསལ།། གསེར་གླིང་བདལ་བའི་ཀློབ་ཆེན་བཞིན།། གང་བལྟས་རྫོགས་པ་ཆེན་པོའི་ཀློང་།། དུག་སྦྲུལ་འབར་བའི་མདུད་པ་བཞིན།། རྩོལ་བསྒྲུབ
29b2 མེད་པར་རང་སར་གྲོལ།། བྱིང་དགོད་སྐྱོན་རྣམས་སེལ་བའི་སྐབས།། གྲོལ་བ་ཉིད་ལ་གྲོལ་བར་ཤེས།། དཔེར་ན་གསེར་ལ་གསེར་མཐོང་བཞིན།། ཇི་བཞིན་མ་ནོར་གཞག་ཐབས་ལ།། མ་གོམས་ངལ་དུབ་ཐུན་ཆེས་པས།། བྱིང་རྨུགས
29b3 རབ་ཏུ་ཐིབས་པ་དང་།། ལྕི་ཞིང་དོན་རྣམས་མ་གསལ་ཏེ།། སྒོ་ལྔ་ཡུལ་ལ་འཕྲོ་བ་དང་།། ཡིད་འཁྲུལ་དྲན་རྟོག་བག་ཆགས་ལྗང་།། རྣམ་རྟོག་ཀུན་བུར་འཛགས་པ་རྣམས།། བྱིང་དགོད་སྐྱོན་དུ་གཏང་མི་བྱ།། བྱིང་བའི་སྐྱོན་རྣམས་གསེ།
29b4 བ་ནི། ས་མཐོ་སེར་བུ་བསིལ་བའི་སར།། ཁྲུས་བྱ་ལུས་བཅག་རྒྱང་མིག་བལྟ།། གླུ་བླང་གར་བྱ་སྒྲ་རྣམས་བསྒྲགས།། རྒོད་པ་རྣམས་ཀྱི་བསྡུ་བ་ནི།། གཏད་དང་གཟུང་དང་རང་སར་གྲོལ།། རང་འབྱུང་རང་ཞི་ན་མཁའི་དཔེའ།། ལྟ་བ་དྲ
29b5 པས་མཐའ་བྲལ་དང་།། ཉམས་མྱོང་རྒྱུན་ཆད་མེད་པའི་སྐབས།། དེ་ཚེ་ཉམས་ནི་གཡོ་དང་གོམས།། ཐོབ་དང་བསྟན་པའི་ཉམས་བཞི་སྐྱེ།། ནམ་མཁའ་དངས་པའི་ཟླ་བ་བཞིན།། ཀུན་ལ་སྙོམས་ལ་རྟོག་སྒྲིབ་མེད།། ཁ་སྐོམ་ཟས་དང་བྲལ
29b6 བྱས་ཀྱང་།། མདངས་དང་དབང་པོ་གཏིང་ནས་གསལ།། བཟོད་ཐོབ་ཆོས་བརྒྱད་སྤོང་ལེན་མེད།། འདོད་ཡོན་ལྔ་ལས་རྣམ་པར་གྲོལ།། ཉོན་མོངས་ཞེར་འཛིན་རྟོགས་པ་ཟད།། ལུས་ཡང་ཤིང་བལ་དབུགས་མི་ཚོར།། རྟགས་མཚམ་དུ
iiif viewer powered by OpenSeadragon
