| e-texts navigator |
| Wylie |
29a1 ཐུན་པོས་མི་གོ་ཉོན་རེ་མོངས།། ངེས་པའི་དོན་ཆེན་མ་རྟོགས་པས།། ཁ་ལྟ་རྣམ་ཤེས་ཕྱུར་པོ་ཅན།། ཚིག་འགའ་ཤེས་པའི་པོ་རྩེ་བ།། གཞན་གྱི་ཆོས་ལ་རྨོད་བྱེད་དེ།། རྒྱལ་བའི་བཀས་ཀྱང་མི་སྐྱོབས་ཏེ།།
29a2 རྒྱ་མཚོར་ལྟུང་བའི་ཕ་བོང་བཞིན།། ཐུགས་རྗེའི་ཞགས་པས་བྱང་ཟག་ཡས།། ཨེ་མ་ངེས་པའི་དོན་པ་ཐུད།། ཡེ་ཤེས་མཛོད་ཆེན་ཆོས་ཀྱི་དབྱིངས།། རྡོ་རྗེ་སེམས་དཔས་གསུངས་པ་རྫོགས་སོ།།
29a3 རྒྱ་གར་སྐད་དུ། ཛྙཱ་ན་པྲ་ཀ་ས་ཨེ་དྷརྨ། བོད་སྐད་དུ། ཡེ་ཤེས་གསལ་བ་ཆོས་ཀྱི་དབྱིངས།། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ།། སྐྱེ་མེད་དོན་དམ་གསལ་བའི་སྐབས།། གདོད་ནས་གསལ་བའི་སྙིང་པོ་ཨ།། བྱིང་དགོད
29a4 གཉིས་ཀྱི་སྐྱོན་དང་བྲལ།། བསྒོམ་བྱ་ཆོས་ཉིད་གུད་ན་མེད།། འདི་ནི་དོན་དམ་བདེ་ཆེན་དང་།། མ་བཅོས་མ་ཡེངས་རང་སར་གྲོལ།། དྲན་པརང་གྲོལ་དོན་དམ་དབྱིངས།། སོ་མ་ལྷུག་པ་གྱི་ན་དྷཱ་ཙམ།། མིང་ཙམ་བསྒོམ་ཞེས་དེ་ལ་བྱ།།
29a5 དྲམ་རིག་ཤེས་པ་མ་འགགས་ལ།། འཛིན་རིག་ཡུལ་ལས་རྣམ་པར་གྲོལ།། མ་བྱུང་མ་སྐྱེས་གཡོས་པ་མེད།། སྤྲོས་བྲལ་བསམ་འདས་བརྗོད་མེད་དང་།། དུས་བཞི་མཉམ་པར་སྦྱོར་བའི་སྐབས།། སྲོང་ལ་དྲན་པའི་གཟུངས་ཐག་ཟུག
29a6 ནམ་ཕྱེད་ཤེས་བྱ་བུམ་པར་གཞུག། ཟོ་རངས་དབང་པོ་རང་ཡན་གཞག། ཉིན་ཕྱེད་མཚན་མའང་སར་གྲོལ།། དུས་བཞི་དོན་དམ་སྙིང་པོ་ལ།། དྲན་པ་ཤེས་བཞིན་རྩི་ཡིས་གཟུང་།། དཔེར་ན་གླང་ཆེན་ལྕགས་ཀྱུ་བཞིན།། མ་ཡེངས་དྲན
iiif viewer powered by OpenSeadragon
