| e-texts navigator |
| Wylie |
27a1 མི་ནུབ་ནུབ་པར་མི་འགྱུར་རོ།། དོན་ལ་འགྱུར་བ་མེད་པའི་ཕྱིར།། ཡིད་བཞིན་ནོར་བུ་རྒྱལ་མཚན་རྩེ།། རྨད་འབྱུང་རིན་ཆེན་ཟ་མ་ཏོག། དོན་ངམ་སྐྱེ་བ་མེད་པའི་རྒྱུད།། རིགས་ལྔ་བདེར་གཤེགས་བྱང་ཆུབ་སེམས།། རྡོ་རྗེ།
27a2 སེམས་དཔའ་མཆོག་གི་ལམ།། ཀུན་བཟང་ཐུགས་ཀྱི་བཅུད་གཏིགས་པ།། སེམས་དཔའ་རྡོ་རྗེ་ཁྱོད་ལ་གཏད།། བློའི་པདྨ་ཁ་ཆེ་ལ།། སྙིང་གི་དཀྱིལ་དུ་བསྒོམ་པར་གྱིས།། དེ་ནས་སེམས་དཔའ་རྡོ་རྗེ་དང་།། རིགས་ལྔའི་སངས་རྒྱས་བྱང་ཆུབ
27a3 སེམས།། མགོན་པོ་ཚོགས་དང་བཅས་པ་ཡིས།། མ་སྐྱེས་སྤྲོས་བྲལ་ཀུན་དུ་བཟང་།། རིན་ཆེན་སྒྲོན་མས་གཏི་མུག་སེལ།། རྨད་འབྱུང་རྒྱལ་བ་ཀུན་གྱི་ཡབ།། རྡོ་རྗེ་འཆང་ཆེན་རིགས་ལྔའི་གཙོ།། ཀུན་རིག་རྒྱལ་པོ་ཐམས་ཅད་མཁྱེན།།
27a4 མཉམ་པའི་རྒྱལ་པོ་ཕྱག་འཚལ་བསྟོད།། དེ་བཞིན་ཉིད་ལ་རྟག་དུ་འདུད།། ཡེ་ཤེས་རྒྱལ་པོར་མངོན་པར་བསྟོད།། ཆོས་ཐམས་ཅད་རིན་པོ་ཆེ་དང་མཉམ་པ་སྐྱེ་བ་མེད་པའི་རྒྱུད།། བཅོམ་ལྡན་འདས་ཀུན་རིག་རྒྱལ་པོས་གསུངས་པ་རྫོགས་སོ།། །
27a5 ཕྱགར་གྱི་མཁམ་པ་ཤྲི་སིང་ང་དང་། ཁོང་ཀྱི་ལོ་གྲིབ་བཻ་རོས་ནས་བསྒྱུར་བའོ།། ཕྱག་བསྐད་དུ། དྷཱུངས་དྷ་ཀོ་ཨེ་དྷམ། བོད་སྐད་དུ། ཡེ་ཤེས་མཛོད་ཆེན་ཆོས་ཀྱི་མ།། དཔལ་རྡོ་རྗེ་སེམས་དཔའ
27a6 ཕྱག་འཚལ་ལོ།། སྐྱེ་མེད་རྣམ་པར་དག་པའི་སྐབས།། གདོད་ནས་མ་སྐྱེས་སྙིང་པོ་ཨ་སྒྲོ་སྐུར་ལྟ་བ་ཀུན་དང་བྲལ།། ཐམས་ཅད་གཅིག་གི་རང་བཞིན་ལ།། སྤོང་འགེགས་བྱིས་པས་བསླད་པ་མེད།། དབྱེར་མེད་ཡེ་ཤེས་ལྔ་ལྡན་ལ།། སྤྱོད་བགྲོད
iiif viewer powered by OpenSeadragon
