| e-texts navigator |
| Wylie |
26b1 མེད་ཨ་ཏི་ནི།། དུག་གསུམ་རྩད་གཅོད་མཉམ་ཉིད་ཏིག། རིན་པོ་ཆེ་དང་མཉམ་པ་སྐྱེ་བ་མེད་པའི་རྒྱུད་ལས།། སྐྱེ་མེད་ཏིག་གི་ལེའུ་སྟེ་བཅུ་གསུམ་པའོ།། དེ་ནས་བཅོམ་ལྡན་བཀའ་སྩལ་པ།། ཁམས་གསུམ་སྒྲོན་མ་རྐྱེན་དང་བྲལ
26b2 མའི་གསུན་སེལ་བློས་མ་རེག། གཞན་ནས་བཙལ་བས་རྙེད་མི་འགྱུར།། ཐིག་ལེ་བདལ་བའི་རང་འབྱུང་བ་དེ།། རིག་པ་རང་ཤར་བཅོས་སུ་མེད།། ལྷུན་གྲུབ་བརྩལ་དུ་གདོད་ནས་མེད།། སྙིང་པོའི་སྙིང་པོ་གཉིས་མེད་མཆོག། ཡེ་ནས་ཐ་སྙད་ཀུན
26b3 དང་བྲལ།། ཇི་བཞིན་གསལ་ལ་རྟོག་མེད་དོ།། དོན་དམ་སྤྲོས་མེད་ཡང་དག་དབྱིངས།། བཙལ་དུ་མེད་པས་བསྒོམ་ཚིག་འདས།། ཇི་བཞིན་ཀློད་དུ་གྱུར་པས་ན།། རྣམ་དག་དོན་ལ་མཁས་པ་ཡིན།། གདོད་ནས་མ་སྐྱེས་བདལ་བའི་ཀློང།། དོན་དམ
26b4 རྟོགས་པས་ཆོས་ཀྱི་སྐུ།། ལོངས་སྤྱོད་བདེ་ཆེན་རྒྱལ་པོའི་སྐུ།། ཡེ་ཤེས་རོལ་པར་སྤྲུལ་པས་སྤྲུལ།། ཐུགས་རྗེ་བྱང་ཆུབ་སེམས་དཔའི་ལམ།། མ་གཡོས་རྟོག་མེད་ཆོས་ཀྱི་ལམ།། རང་བཞིན་གནས་པས་བདེ་བའི་ཀློང་།། ཁམས་གསུམ
26b5 གསལ་བྱེད་སྒྲོན་མེའི་མཆོག། བདེ་ཆེན་རང་འབྱུང་ཐུགས་རྗེར་གསལ།། རིན་པོ་ཆེ་དང་མཉམ་པ་སྐྱེ་བ་མེད་པའི་རྒྱུད་ལས།། ཁམས་གསུམ་སྒྲོན་མེའི་ལེའུ་སྟེ་བཅུ་བཞི་པའོ།། །། དེ་ནས་བཅོམ་ལྡན་འདི་སྐད་གསུང་།།
26b6 ཨེ་མ་རྡོ་རྗེ་སེམས་དཔའ་ཆེ།། རྨད་བྱུང་བཅུ་གསུམ་སྐྱེ་མེད་དོ།། འཁོར་བ་བཙད་ནས་གཅོད་པའི་ཆོས།། འདི་མ་ཤེས་པ་ངལ་བའི་ལམ།། འདི་རྟོགས་ཀྱི་རྣལ་འབྱོར་པ།། གང་ལྟར་སྤྱད་ཀྱང་བདེ་ཆེན་ཀློང་།། རྫོགས་ཆེན་ཨ་ཏི་བསྟན་པ་འདི།།
iiif viewer powered by OpenSeadragon
