| e-texts navigator |
| Wylie |
26a1 པོ་ཟས་འཕངས་བཅད་སྤེན་ཚེའི་ཁ།། འོག་མས་ཇི་བཞི་མངོན་བརྗོད་ཀྱང་།། ཆོས་སྤྱོད་བཅུ་ལ་ཞེན་པའི་ཕྱིར།། འབྲས་བུའི་དོན་ལ་རིབ་པར་འགྱུར།། སེང་གེ་གཅིག་པུར་གནས་པ་བཞིན།། རྫོགས་པ་སྤྱི་གཅོད་ཡིན་པར།།
26a2 སྨྲ།། དོན་ལ་མི་གནས་གསུང་ཚིག་བྲལ།། ནེ་ཆོས་སྨྲས་ཀྱང་དོན་མེ་ད་ལྟར།། རང་གཞུང་སྨྲ་ཐེག་བརྒྱད་པོ་ཡང་།། སྤྱི་གཅོད་རྫོགས་ཆེན་ང་ལས་འགལ།། རིན་པོ་ཚེ་དང་མཉམ་པ་སྐྱེ་བ་མེད་པའི་རྒྱུད་ལས།། ཐེག་པ་སྤྱི་གཅོད་ཀྱི་ལེའུ་སྟེ་བཅུ
26a3 གཉིས་པའོ།། །། དེ་ནས་བཅོམ་ལྡན་བཀའ་སྩལ་པ།། མ་བཅོས་རང་བཞིན་གསལ་བས་ན།། འགྱུར་པ་མེད་ལྷུན་གྱིས་གྲུབ་པའི་ཏིག། ཆོས་ཉིད་བདེ་ཆེན་ཀློང་ཡངས་བརྡལ།། རང་འབྱུང་འགྱུར་མེད་སྤྲོས་བྲལ་ཏིག། བྱང་ཆུབ
26a4 སེམས་ཆེན་ཀུན་ཏུ་བཟང་།། དུས་གསུམ་གཅིག་དུ་གནས་པའི་ཏིག། འཁོར་བ་ཡོངས་བསྒྲལ་ཨ་ཏི་ལ།། སྣང་སྲིད་ཀུན་སངས་རྒྱས་པའི་ཏིག། འཁོར་བ་ཀུན་རྒྱལ་བྱེད་སེམས་མཆོག། དུག་གསུམ་གནས་ཆོམས་སྐུ་གསུམ་ཏིག། དུག་ལྔས་མ
26a5 བསྒྲིབས་མྱ་ངན་འདས།། ཡེ་ཤེས་ལྔ་རུ་གསལ་བའི་ཏིག། ཐུགས་ལ་བརྟོལ་བ་བསྟན་པའི།། བྱང་ཆུབ་སེམས་མཆོག་བདེ་ཆེན་འདི།། མ་གོལ་ལུང་ལས་ཅི་བསྐྲུན་ཏིག། ཐེག་ཀུན་ཅིག་གསལ་ཨ་ཏི་ལ།། ཆོས་རྣམས་དབྱེར་མེད་སྐྱེ་མེད་ཏིག།
26a6 ཉེན་ཐོས་མདོ་སྡེ་ཀྲི་ཡ་གསུམ།། རྒྱུ་ལས་འབྲས་བུ་ཚོལ་བའི་ཕྱིར།། རྩོལ་བྲལ་ལུང་ལས་གོལ་བར་བསྟན།། ཡོ་ག་རྣམ་གསུམ་རྩོལ་བས་དཔོག། བྱིས་རྩེད་འདྲ་སྟེ་དོན་ལས་གོལ།། དུས་གསུམ་འགྱུར་མེད་བྱང་ཆུབ་སེམས།། སྒྲིབ་པ་ཀུན
iiif viewer powered by OpenSeadragon
