| e-texts navigator |
| Wylie |
25a1 པའི་རྒྱ་མཚོ་ཐམས་ཅད་ཀུན།། གཞི་རྩ་མེད་པའི་ངང་དུ་བཞག། སུས་ཀྱང་མ་བྱས་ཉིད་ལ་འདུས།། རིན་པོ་ཆེ་དང་མཉམ་པ་སྐྱེ་བ་མེད་པའི་རྒྱུད་ལས།། ཀུན་འདུས་རིག་པའི་ལེའུ་སྟེ་བདུན་པའོ།། །
25a2 དེ་ནས་བཅོམ་ལྡན་བཀའ་སྩལ་པ།། མ་བཅོས་བདེ་བ་ཆེན་པོའི་དོན།། འདི་ལ་སྐྱེ་ཤི་མེད་པས་སྲོག། ཀུན་ནས་མ་བསྒྲིབས་བྱང་ཆུབ་སེམས།། སྣང་སྲིད་འདུ་འབྲལ་མེད་པས་སྲོག། དུས་གསུམ་མ་བསྒྲིབས་བྱང་ཆུབ་སེམས།། འཕོ་འགྱུར
25a3 གཉིས་སུ་མེད་པས་སྲོག། སྲོག་གི་འཁོར་ལོ་སྲིད་གསུམ་བསྐོར།། འབྱུང་ལྔ་ཡུམ་གྱི་བ་གའི་ཀློང་།། འདི་རུ་སྣང་སྲིད་རྫོགས་སངས་རྒྱས།། སངས་རྒྱས་ཉིད་ལ་སྐྱེ་ཤི་མེད།། སྐྱེ་འགག་མེད་པས་སྲོག་ཅེས་བྱ།། འགྱུར་བ་མེད་པའི་ཨ་ཏི
25a4 རུ། འགྲོ་རྣམས་སྐྱེ་ཤི་མེད་པར་བསྒྲལ།། དེ་ཕྱིར་འཆི་མེད་སྲོག་ཅེས་བྱ།། སྐྱེ་ཤི་མེད་པའི་སེམས་ཉིད་སྲོག། སྲིད་གསུམ་འཁོར་ལོ་བསྐོར་བས་ན།། སྲོག་གི་འཁོར་ལོ་ཞེས་སུ་གྲགས།། ཡུལ་ལ་ངེས་པ་མེད་པས་ན།། སེམས་ཀྱི
25a5 དོགས་རྣམ་པར་མེད།། འཇིག་ཆགས་མེད་པས་འཆིང་བ་མེད།། སྐྱེ་མེད་དེ་ལ་སྲོག་ཅེས་བྱ།། དུས་གསུམ་རྡོ་རྗེས་འདུས་མ་བྱས།། སྣང་སྲིད་ཡེ་སངས་རྒྱས་པས་སྲོག། འཕགས་པའི་དོན་ལ་དབྱེའ་བ་མེད།། དུས་གསུམ་འགྱུར་བ་མེད
25a6 པས་ན། གར་ཡང་འཕོ་བ་མེད་པའི་སྲོག། བསམ་དུ་མེད་པའི་ཆོས་ཉིད་ལ།། བརྗོད་དུ་མེད་པའི་རིག་པ་བཞག། ཆགས་མེད་འདུ་འབྲལ་མེད་པའི་སྲོག། སྐྱེ་ཤི་བྲལ་བའི་རང་འབྱུང་ཀློང་།། མ་ཡེངས་གསལ་བས་སྲོག་གི་དོན།། ཀུན་ལ
iiif viewer powered by OpenSeadragon
