| e-texts navigator |
| Wylie |
25'b1 ངོ་བོ་ཉིད་ཀྱི་འཕྲ་བཀོད་པས།། དཔལ་ཆེམ་ཐུགས་རྗེས་འཁོར་འཟུང་།། གཞལ་ཡས་ཁང་ཆེན་དེ་དག་གིས།། ཡིས་རང་ལ་འོད་གསལ་ཏེ།། སྐྱེ་འགག་གཉིས་མེད་མེ་དང་འདྲ།། དག་པའི་སངས་རྒྱས་ལ་མ་ཐོབ་པས།། དོན་དུ་སངས་རྒྱས་ཉིད།
25'b2 ལ་གནས།། ནམ་མཁའ་ལྟ་བུར་ཆགས་པ་མེད།། བདེ་བ་ཉིད་དུ་ཡང་དག་པ།། ཕུང་པོ་ལྔ་ཉིད་མངོན་སངས་རྒྱས།། བྱང་ཆུབ་སེམས་ཆེན་བདེ་བའི་ཀློང་།། ཤིན་ཏུ་འཕྲ་ལ་རབ་སྦྱངས་པའི།། བདེ་ཆེན་དོན་ལ་བཀོད་པ་དེ།། ཡང་དག་དོན་གྱི་བླ་མ་ཡི།།
25'b3 བདེ་བ་འཕྲ་བཀོད་ཐིག་ལེའི་ཀློང་།། རིན་པོ་ཆེ་དང་མཉམ་པ་སྐྱེ་བ་མེད་པའི་རྒྱུད་ལས།། བདེ་བ་འཕྲ་བཀོད་ཀྱི་ལེའུ་སྟེ་བཅུ་གཅིག་པའོ།། །། དེ་ནས་བཅོམ་ལྡན་བཀའ་སྩལ་པ།། ཐེག་པ་ཀུན་ལ་ཁྱབ་པའི།། སྤྱི་གཅོད
25'b4 རྒྱལ་པོ་རྫོགས་པའི་མཆོག། འདི་ལ་བརྩལ་དུ་གདོད་སྦེང་།། གཅན་ཟན་ཡོངས་ཀྱི་ཁྲོ་བོ་ནི།། སྤྱི་སྤྱོད་སེང་གེ་རྒྱལ་པོ་སྟེ།། རྩལ་གསུམ་རྫོགས་པའི་རྒྱལ་པོ་ལྟར།། རྫོགས་པའི་སྤྱི་གཅོད་ཨ་ཏི་ནཱི།། འཁོར་བ་རྩད་གཅོད་གཟུང་འཛིན
25'b5 འདས། ཝ་སྒྲེས་སེང་གེར་བཅོས་ཀྱང་ནི།། ཀུན་ནས་མི་མཉམ་སྤྱི་གཅོད་ཆེ།། ཡོ་གཱ་རྣམ་གསུམ་ཐེག་འོག་རྣམས།། ཇི་ལྟར་དེ་ལྟར་བལྟས་སྤྱད་ཀྱང་།། རྒྱུ་ལས་རྩོལ་བར་མི་ནུས་སོ།། རྫོགས་པ་སྤྱི་གཅོད་ཨ་ཏི་ནི།། ནམ་མཁའི་ཀློང་ལྟར
25'b6 ཡོངས་ལ་ཁྱབ།། རྩོལ་ཞིང་བསྒྲུབས་པའི་ཡུལ་མེད་པས།། བསྒོམ་པར་བྱ་བའི་ཚིག་དང་བྲལ།། རིན་ཆེན་ནོར་ལྟར་དགོས་དགུ་འབྱུང་།། བྱང་ཆུབ་སེམས་བདལ་ཡངས་པའི་ཀློང་།། རང་སེམས་མི་ནུབ་རིན་ཆེན་ཏེར།
iiif viewer powered by OpenSeadragon
