| e-texts navigator |
| Wylie |
24a1 རྩེ་སྐྱེ་འགག་མེད་པ་འཁོར་བའི་རྩེ།། དྲན་རྟོག་མེད་པ་བསྒོམ་པའི་རྩེག།། ཐམས་ཅད་ཡོངས་ལས་རྒྱལ་བ་ནི།། རྩེ་མོ་བྱུང་རྒྱལ་ཞེས་བཤད་དོ།། ཉིད་བྱང་ཆུབ་སེམས་ཡིན་ཏེ།། འབྲས་བུ་རང་ལ་རྫོགས་པའི་ཕྱིར།
24a2 རྩེ་མོ་བྱུང་རྒྱལ་ང་ཉིད་སྨྲ།། མ་སོང་གནས་ཕྱིན་ལམ་གྱི་རྩེ།། འདུ་འབྲལ་མེད་པའི་ངང་ཉིད་ལ།། དུས་གསུམ་མི་འབྲལ་བ་རུ་གནས།། བསྲུང་འཚམས་ཀུན་ལས་རྒྱལ་བས་ན།། དམ་ཚིག་ཀུན་གྱི་རྩེ་མོར་བཤད།། བླང་དོར་མེད
24a3 པའི་སྤྱོད་པ་ནི།། རྒྱལ་ཆེན་གང་ཡང་མ་ཡངས་རྩེ།། མི་འགྱུར་ལྷུན་གྲུབ་ལྟ་བ་ནི།། རིག་པ་སྤྲོས་བྲལ་མཉམ་པའི་རྒྱལ།། གང་ཡང་འབྱེད་པ་མེད་པས་ན།། གདགས་པའི་ཐ་སྙད་ཀུན་ལས་འདས།། དོན་ལ་དབྱེར་མེད་ལྟ་བའི་རྩེ།།
24a4 སྣང་སྲིད་གསལ་བའི་བྱང་ཆུབ་སེམས།། འདུ་འབྲལ་མེད་པས་ཡོངས་སུ་ཁྱབ།། ཀུན་ལ་གསལ་བས་བཀག་པ་མེད།། སྣང་སྲིད་མ་འགགས་ཡེ་ཤེས་རྩེ།། རྒྱུ་འབྲས་གཉིས་མེད་ཕྱེ་བའི།། ཚོགས་མཆོད་དམ་པ་ཆེན་པོ་དེ།།
24a5 བསོད་ནམས་དམ་པའི་བཞིར་འགྱུར་རོ།། དུས་གསུཾ་རྒྱལ་བ་ཐཾད་ཀུན།། མཉམ་པའི་དབྱིངས་སུ་བཀོད་པས།། འདུ་འབྲལ་མེད་པའི་ངང་ལ་གནས།། མ་ལུས་སངས་རྒྱས་ས་རུ་བརྟགས།། རིན་པོ་ཆེ་དང་མཉམ་པ་སྐྱེ་བ་མེད་པའི་རྒྱུད་ལས
24a6 རྩེ་མོ་བྱུང་རྒྱལ་གྱི་ལེའུ་སྟེ་དྲུག་པའོ།། ། དེ་ནས་བཅོམ་ལྡན་བཀའ་སྩལ་པ།། སྣ་ཚོགས་གཅིག་དུ་འདུས་པའི་ངང་།། འབྱུང་བ་བཞི་ཉིད་ནམཁར་འདས།། ན་མཁས་དཔེའ་བསྟན་བྱང་ཆུབ་སེམས།། རིག་པ་རང་ལ་རྫོགས
iiif viewer powered by OpenSeadragon
