| e-texts navigator |
| Wylie |
23b1 རྒྱལ་པོར་སྨྲ། སྣང་སྲིད་ཀུན་ཁྱབ་མ་ལུས་གནས།། སངས་རྒྱས་ཀུན་རྒྱལ་ཀུན་གྱི་ཡབ།། མི་ནུབ་གཏེར་མཛོད་དུས་གསུམ་ཁྱབ།། དང་དང་རང་བཞིན་ལྷུན་གྱིས་རྫོགས།། སྲིད་གསུམ་མ་ལུ་ས་ན་མཁར་རྫོགས།། སྐྱེ་འགྲོ་སེམས་ཀྱི་སྤྲུལ
23b2 པར་རྫོགས།། ཇི་ལྟར་སྣང་བ་བདེ་བ་ཉིད།། རིན་པོ་ཆེ་དང་མཉམ་པ་སྐྱེ་བ་མེད་པའི་རྒྱུད་ལས།། ནམ་མཁའི་རྒྱལ་པོའི་ལེའུ་སྟེ་བཞི་པའོ།། ། དེ་ནས་བཅོམ་ལྡན་བཀའ་སྩལ་པ།། བྱང་ཆུབ་སེམས་མཆོག་རྗེ་བཙན་དམ།
23b3 ངའི་ཐུགས་ནས་བཏོན་ཏེ་བཤད།། སྐྱོན་གྱིས་བསྐོར་མེད་གདོད་ནས་དག། མ་བརྩལ་བཞག་ན་བསྒོམ་པའི་མཆོག། འགྲོ་ཀུན་གནས་པའི་བྱང་ཆུབ་སེམས།། མི་འགྱུར་རྗེ་བཙན་ཆོས་ཀྱི་སྐུ།། རང་གནས་མི་ནུབ་རྡོ་རྗེའོ།། སྣང་དང་མི་སྣང
23b4 གཉིས་སུ་མེད་བདེ་ཆེན་ཡོངས་རྫོགས་རྗེ་བཙན་སྒྲ།། ཡ་མཚན་མཁའ་ལ་རིག་པའི་ཐུགས།། སྨྲ་བསམ་ཡུལ་འདས་ཤིན་ཏུ་འདས།། དམིགས་མེད་དོན་རྟོགས་ཆོས་ཀྱི་རྗེ། སྣང་བའི་ཡུལ་ལ་གང་གནས་ཀྱང་།། རྗེ་བཙམ་སྐུ་ལ་གཡོས
23b5 པ་མེད།། ཡི་གེ་འབྲུ་ལ་རྟོག་པ་རྣམས།། རྗེ་བཙན་དོན་ལས་ཉམས་ཏེ་མན།། ཕྱི་ནང་གཉིས་ག་བདེ་ཆེན་པོ།། རྗེ་བཙན་དམ་པའི་བྱང་ཆུབ་སེམས།། འཁོར་བ་མྱང་འདས་གཉིས་མེད་དེ།། ཇི་ལྟར་བལྟས་པས་བྱང་ཆུབ་སེམས།། ཡེ་སངས་རྒྱས
23b6 བས་ཆོས་ཀྱི་སྐུ།། རིན་པོ་ཆེ་དང་མཉམ་པ་སྐྱེ་བ་མེད་པའི་རྒྱུད་ལས།། རྗེ་བཙོན་དམ་པའི་ལེའུ་སྟེ་ལྔ་པའོ།། ། དེ་ནས་བཅོམ་ལྡན་བཀའ་སྩལ་པ།། ནམ་མཁའ་འབྱུང་བ་ཀུན་གྱི་རྩེ།། ཀུན་བཟང་ཆོས་རྣམས་ཀུན་གྱི
iiif viewer powered by OpenSeadragon
