| e-texts navigator |
| Wylie |
22b1 སྐུ་ལྔ་ཡེ་ཤེས་ཐིག་ལེའི་རྫོང་།། རྨད་འབྱུང་ཐུག་རྗེས་འགྲོ་དོན་རྫོགས།། རིན་པོ་ཆེ་དང་མཉམ་པ་སྐྱེ་བ་མེད་པའི་རྒྱུད་ལས།། བྱང་ཆུབ་ཀྱི་སེམས་རྨད་དུ་བྱུང་བའི་ལེའུ་སྟེ་གཉིས་པའོ།། ། དེ་ནས་བཅོམ་ལྡན་བཀའ་སྩལ
22b2 པ། གཉིས་སུ་མེད་ལས་བདེ་བ་ཆེ།། དབྱིངས་སུ་ཐིམ་པས་ཀུན་ལ་བྱམས།། འབྲས་བུ་མེད་པས་བདེ་བའི་སྐུ།། ངང་དུ་གྲོལ་བས་བདེ་བའི་ཀློང་།། མི་དམིགས་རྫོགས་ཆེན་འཁོར་བ་སྒྲོལ།། སྐྱེ་འགག་མེད་པས་གདོད་ནས་དག
22b3 དོན་ལ་མ་བརྩལ་དམ་པ་བདེའོ།། རྫོགས་པ་རྫོགས་ཕྱིར་རང་བཞིན་གནས།། བདེ་འབྱམ་ལྟ་བུ་ན་མཁའ་ལ།། དོན་དམ་ཉིད་དུ་སྤོས་དང་བྲལ།། རང་བཞིན་ལས་ནི་གུད་ན་མེད།། འགྱུར་བ་མེད་པས་བདེ་ཆེན་རྫོགས།། རྨོངས་པའི་མུན་པ
22b4 སེལ་བའི་དོན།། སངས་རྒྱས་འབྱུང་བའི་བདེ་འབྱམ་ཡིན།། ཐིག་ལེ་བདེ་འབྱམ་རྫོགས་ཆེན་པོ།། ཐིག་ལེ་རང་འབྱུང་དོན་དམ་ཀློང་།། བྱང་ཆུབ་སེམས་ཆེན་བདེ་འབྱམ་འདི།། རིག་པ་སྤྲོས་མེད་རྒྱལ་པོ་རྫོགས།། རིག་པའི་རྒྱལ་པོ་བདེ་ཆེན
22b5 པོ་མཉམ་པའི་ངང་ལ་ཐབས་ཀྱིས་རྫོགས།། རིན་པོ་ཆེ་དང་མཉམ་པ་སྐྱེ་བ་མེད་པའི་རྒྱུད་ལས།། བདེ་འབྱམ་ཡངས་པའི་ལེའུ་སྟེ་གསུ་པའོ།། །། དེ་ནས་བཅོམ་ལྡན་བཀའ་སྩལ་པ།། འབྱུང་བཞི་ལས་རྒྱལ་ན་མཁའ་བཞིན།
22b6 སངས་རྒྱས་ཀུན་རྒྱལ་སྙིང་པོ་ཐུགས།། ཡངས་པས་རྒྱལ་བའི་ལྷ་ཆེན་ནི། རྫོགས་པའི་དོན་དུ་བཞག་པ་ཡིན།། སེམས་ཉིད་མམཁའ་ཆེན་པོ་ལ།། སྙིང་པོ་འཁོར་བ་ལས་སྒྲོལ་བས།། ནམཁའི་རྒྱལ་པོ་ཡིན་པར་བྱ
iiif viewer powered by OpenSeadragon
