| e-texts navigator |
| Wylie |
22a1 དེ་ནས་བཅོམ་ལྡན་བཀའ་སྩལ་པ།། ང་ནི་རྨད་འབྱུང་རིན་ཆེན་མཛོད།། སྐྱེ་མེད་དང་ལས་ཐམས་ཅད་འབྱུང་།། ང་མེད་པའི་སྔོན་རོལ་ན།། སངས་རྒྱས་སེམས་ཅན་གཉིས་མེད་དེ།། གཟུགས་ནས་ཐམས
22a2 ཅད་མཁྱེམ་པའི་བར།། ཐམས་ཅད་ང་ལས་བྱུང་པ་ཡིན།། འཇམ་དཔལ་ཡེ་ཤེས་རྡོ་རྗེའི་སྐུ།། ཉོན་མོངས་དྲུག་པོར་རྣམ་པར་སྒོ།། པདྨ་དཀར་པོ་དྲི་མ་མེད།། འདི་དོན་རྟོགས་པ་སེམས་ཀྱི་དབང་།། ཡང་དག་གྲུབ་པ་ཐིག་ལེར་གཅིག
22a3 འདི་ནི་རྣལ་འབྱོར་བདེ་བའི་མཆོག། གདོད་ནས་དྲི་མེད་བདུད་རྩི་ཆེ་ཀ། སྡུག་བསྔལ་ནད་ཀྱི་ཟུག་རྔུ་འཇིལ།། རྨད་འབྱུང་རྡོ་རྗེས་ཞེ་སྡང་འཇོམས།། ཡེ་ཤེས་ཕུར་བུས་བདུད་བཞི་བསྒྲལ།། ཐ~ཾད་ཡུཾ་གྱི་བ་གའི་ཀློང་།། ང་ལས་བྱུང་ཞིང་ང
22a4 རུ་ཞི། ང་ནི་སྲིད་ལས་སྐྱོབ་པའི་སྔགས།། ང་ཉིད་ལས་སུ་རུང་བས་ན།། འཇིག་རྟེམ་གསུམ་ཡང་ང་རུ་རྫོགས།། གཙུག་གཏོར་ཆེན་པོ་རྨད་འབྱུང་གཙུག། ཐེག་པ་སྣ་ཚོགས་སྟོན་པ་པོ།། བདེན་པ་བཞི་ནི་སྟོན་པ་ལ།། ཡན་ལག
22a5 བཅུ་གཉིས་སྲིད་རྩར་སྟོན།། རྣམ་རིག་སྣ་ཚོགས་གཟུགས་དོན་ཅན།། བདེན་པ་གཉིས་ཀྱི་ཚུལ་ལ་གནས།། གསུམ་རིག་རྩང་མ་དག་པ་སྟེ།། དེ་ཉིད་རྣམ་པ་བཞིའི་ཚུལ།། སངས་རྒྱས་སྐུ་ལྔའི་བདག་ཉིད་ཅན།། བཅུ་དྲུག་ཕྱེད
22a6 ཕྱེད་ཐིག་ལེ་ཅན།། ཆོས་དབྱིངས་དམ་པ་ཟད་མི་ཤེས།། རྣམ་པར་རྟོག་མེད་ལྷུན་གྱིས་གྲུབ།། རྨད་འབྱུང་རྡོ་རྗེ་འདི་རྟོགས་ན།། རྡོ་རྗེ་སེམས་དཔའ་ཉིད་ཀྱང་ནི།། རྡོ་རྗེ་གདན་ལ་ཡང་སངས་རྒྱས།། ངོ་མཚར་རྨད་འབྱུང་ཀུན་གྱི་གཙུག།
iiif viewer powered by OpenSeadragon
