| e-texts navigator |
| Wylie |
21b1 བཅོམ་ལྡན་འདས་ཀུན་ཏུ་བཟང་པོ།། འོག་མིན་ཆོས་ཀྱི་དབྱིངས་ཀྱི་ཕོ་བྲང་ན།། རིགས་ལྔའི་སངས་རྒྱས་ལ་སྩོགས་པ།། བྱང་ཆུབ་སེམས་དཔའ་བརྒྱ་སྟོང་དུ་མ་དང་ཐབས་གཅིག་ཏུ་བཞུགས་ཏེ། དེའི་ཚེ་སངས་རྒྱས་རྡོ་རྗེ་སེམས་དཔས། གཉིས་མེད་མཆོག
21b2 གི་མཆོད་པ་ཕུལ་ནས་ཕྱོགས་གཅིག་ཏུ་འཁོད་དེ་ཞུས་པའོ།། ཨེ་མའོ་བཅོམ་ལྡན་ཀུན་ཏུ་བཟང་།། རང་སྣང་རིག་པའི་ཡེ་ཤེས་ལ།། སྣ་ཚོགས་སྣང་བའི་ཆོས་རྣམས་ཀུན།། འདིའི་མཚན་ཉིད་ཇི་ལྟར་ལགས།། བཅོམ་ལྡན་འདས་ཀྱིས་བཀའ
21b3 སྩསྤྲུསྩལ་པ།། རང་རིག་བློའི་སྣང་བ་ལས།། སྣང་ཚུལ་བཅུ་བདུན་སྣང་བ་འདི།། འདིའི་མཚན་ཉིད་བློ་བུར་བ།། རྒྱུ་རྐྱེན་དབང་གིས་སྣང་བ་ཡིན།། དཔེར་དག་བུ་ར་སྨན་དུག་ཚུལ།། སེམས་དཔའ་རྡོ་རྗེས་ཡང་གསོལ་པ།། ཨེ་མ་བཅོམ་ལྡན་ཀུན
21b4 རིག་ལགས།། འཁོར་བར་འཁྲུལ་པའི་སྡུང་བ་འདི།། རྩད་ནས་གཅད་ན་ཇི་ལྟར་གཅད།། བཅོམ་ལྡན་འདས་ཀྱིས་བཀའ་སྩལ་པ།། ཁམས་གསུམ་འཁོར་བའི་འཁྲུལ་སྣང་འདི།། རྨད་འབྱུང་བ་དེ་འབྱམ་ན་མཁའ་ཉིད།། རྗེ་བཙན་རྩེ་མོ
21b5 ཀུན་འདུས་ལ།། སྲོག་དང་མྱུ་གུ་རིན་པོ་ཆེ།། བདེ་བ་སྤྱི་གཅོད་སེམས་ཀྱི་ཏིག། རིན་ཆེན་ལྟ་བུའི་སྒྲོན་མ་ཡིས།། འཁོར་བརྩད་ནས་གཅད་པར་བྱ།། དེ་སྐད་གསུངས་པའི་ཚིག་རྗེས་ལ།། སེམས་དཔའ་རྡོ་རྗེས་ཡང་ཞུས་པ། ཀྱེ་མ
21b6 བཅོམ་ལྡན་བདེབ་གཤེགས་ཡབ།། འཁོར་བ་རྩད་ནས་གཅད་པའི་ཕྱིར།། རྨད་འབྱུང་བཅུ་གསུཾ་རིན་པོ་ཆེ།། ཡང་དག་རྒྱས་པར་བཤད་དུ་གསོལ།། རིན་པོ་ཆེ་དང་མཉམ་པ་སྐྱེ་བ་མེད་པའི་རྒྱུད་ལས།། གླེང་གཞིའི་ལེའུ་སྟེ་དང་པོའོ།།
iiif viewer powered by OpenSeadragon
