| e-texts navigator |
| Wylie |
12a1 བྱ་བྲལ་ཆོས་ཉིད་ཀློང་།། ཅིར་ཡང་མི་དམིགས་ཁྱབ་བངལ་ས།། བགྲོང་དུ་མེད་པར་ལྷུན་གྱིས་གྲུབ།། སྐྱེ་མེད་གཉིས་མེད་སྨོས་དང་བྲལ།། སྐུ་ལྔ་ཡེ་ཤེས་ལྔའི་དང་།། རྟོག་བྲལ་དམིགས་མེད་ཁྱབ་བདལ་ཀློང་།
12a2 སྨོས་མེད་བྱང་ཆུབ་སྙིང་པོའི་དབྱིངས།། འབྲས་བུ་ལྟ་བསྒོམ་སྤྱོད་པ་སྟན།། རང་སྣང་སྨྱུག་མ་ལམ་ལས་གྲོལ།། ཁྱབ་པདལ་འུ་བ་ཆུབས་ཆེན་ནོན།། རྒྱལ་པོ་བཙོན་དུ་བཟུང་བ་དང་།། བདུད་རྩི་ཐིག་པ་ལྕེ་ལ་གཞག། གང་རི་རྩེ་ནས་བསྙིལ
12a3 བ་སྟེ།། ཤིང་རྟའི་གཟེར་མགོ་གཅད་པར་བྱ།། རྟོག་མེད་མཉམ་ཉིད་ཆོས་ཀྱི་སྐུ།། ཅིར་ཡང་མ་འགགས་སྤྲུལ་པའི་སྐུ།། གཉིས་སུ་མེད་པས་རྫོགས་པའི་སྐུ།། སྐུ་གསུམ་རྫོགས་པས་ཐིག་ལེར་གཅིག། བསམ་འདས་བརྗོད
12a4 མེདདང་ས་ར་གྲོལ།། ཀུན་བཟངས་དབྱེར་མེད་སྐྱེ་མེདས།། ཐོབ་བསླུ་བ་མེད་པར་ཐམས་ཅད་རྫོགས།། སྣང་སྲིད་བྱང་ཆུབ་སེམས་སུ་རྫོགས།། སྐུ་གསུམ་ཐིག་ལེ་གཅིག་ཏུ་རྫོགས།། ལྷག་མ་མེད་པར་ཡོངས་སུ་རྫོགས།།
12a5 མི་འགྱུར་མཉམ་ཉིད་དཔེ་དང་བྲལ།། དཔེའ་བྲལ་ཡེ་ཤེས་མཚོན་དུ་མེད།། ཅི་ཕྱིར་བསམ་བརྗོད་དམིགས་པ་མེད།། དམིགས་མེད་བློ་འདས་རང་སར་གྲོལ།། མི་སྐྱེ་མི་འགག་ལྷུན་གྱིས་གྲུབ།། གོ་བའི་ཡུལ་ན་བགྲོད་དུ་མེད།།
12a6 བགྲོད་དུ་མེད་པས་ས་ལམ་རྫོགས།། གཉིས་མེད་རྫོགས་པས་མཐའ་བྲལ་རྫོང་།། དམིགས་མེད་མ་སྐྱེས་དེ་ཉིད་དང་།། འགག་མེད་ཨ་ལི་ཀ་ལིར་རོལ།། དབྱེར་མེད་མ་བསལ་ལྷུན་གྱིས་གྲུབ།། སྨྲ་བསམ་བརྗོད་མེད་ཚིག་ལས་འད
iiif viewer powered by OpenSeadragon
