| e-texts navigator |
| Wylie |
11a1 མེད་ཏིང་འཛིན་ལ། བསྒོམ་བྱ་བསྒོམ་བྱེད་གཉིས་མེད་དང་།། རྟག་ཆད་གཟུང་འཛིན་ཀུན་རྫོབ་དོན།། བླང་དོར་དབྱིངས་དང་ཡེ་ཤེས་རྫོགས།། འགྱུར་བ་མ་ཡིན་དྲང་པོར་གསལ།། ལྷུན་གྱིས་གནས་པས་བདེ་བ་ཆེ།། རང་བྱུང་ཡེ་ཤྭེ།།
11a2 རྒྱུ་རྐྱེན་བྲལ། རང་གི་མཐུ་ཡིས་རིག་པ་ལས།། ཆོས་ཉིད་གཞན་ནས་མི་འབྱུང་ངོ་།། ཚིག་དུ་གཞན་ལ་བརྟེན་འདྲ་ཡང་།། དངོས་སུ་བདེ་ཆེན་རང་ལ་ཤར།། རྒྱ་མཚོ་དང་མཉམ་པ་རྙོག་མ་མེད་པའི་རྒྱུད་ལས།། བསྒོམ་པའི་ལེའུ་སྟེ་བཞི་པའོ།། །
11a3 ས་བཅོམ་ལྡན་བཀའ་སྩལ་པ།། གདོད་ནས་བླང་དོར་ཀུན་དང་བྲལ།། སྐེ་མེད་དོན་དམ་ཆོས་ཉིད་ཀློང་།། སྤྱོད་པའི་དམ་པ་ཁོ་ནའོ།། འགྲོ་འཆག་ཉལ་དང་འདུག་པ་རྣམས།། ཅི་སྤྱོད་དོན་ལས་མ་གཡོས་ཤིང་།། དོན་དམ་བདེ་བའི་རྩིས་ཟིན་ན།།
11a4 སྤྱོད་པ་ཞེས་ནི་དེ་ལ་བྱ།། ཕྱི་ནང་གསང་བ་ཁོ་ན་ཉིད།། ཕྱི་རྟོག་ནང་དུ་བསྡུ་བ་དང་།། ནང་རྟོག་གསང་བར་བསྟིམ་པ་སྟེ།། གསང་སྟོག་ཁོ་ན་ཉིད་དུ་གྲོལ།། ལུས་ནི་འབྱུང་ལྔ་འདུས་པའི་ལུས།། སྐུ་ལྔ་ཡེ་ཤེས་རོལ་པ་ཡིས།། རྟོག་མེད་རྟུལ་ཤུགས
11a5 རྒྱན་དུ་རོལ།། འཇིག་པ་མེད་པའི་སེང་གེ་བཞིན།། འབར་བ་ཆེན་པོ་སྤྲུལ་པའི་སྐུ།། ངག་ནི་སྔགས་དང་སྒྲ་དབྱངས་སྒྲ།། འཇིག་རྟེན་འཁྱལ་ཚིག་སྣ་ཚོགས་ཀྱང་།། དཔེར་ན་བིན་དའི་སྐད་བཞིན་དུ།། འགག་མེད་གྲག་སྟོང་རོལ་པར་སྣང་།། སྣང་བ
11a6 རང་རིག་གཉིས་མེད་རྫོགས།། སེམས་ནི་ཡེ་ནས་རྣམ་པར་དག། ཉོན་མོངས་ལྔའི་སྐྱོན་དང་བྲལ།། ཨེ་མ་རང་ལྀ་གནས་བཞིན་དུ།། སྤྱད་པས་ཐོབ་འདོད་ཨེ་མ་འཕྲུལ།། སྤྱོད་བྱེད་བྲལ་བའི་རྒྱ་མཚོ་ནི།། དྲན་རྟོག་མེད་པའི་ཡེ་ཤེས་ལ།། ཐོབ་པར
iiif viewer powered by OpenSeadragon
