| e-texts navigator |
| Wylie |
10b1 ཀློང་ཆེན་བཞིན།། གང་བལྟས་རྫོགས་པ་ཆེན་པོའི་ཀློང་།། ཐ་མ་ལྷག་མཐོང་དུས་སུ་ནི།། མཚན་མ་རབ་གྲོལ་བློས་མ་རེག། དུག་སྦྲུལ་འབར་བའི་འདུད་པ་བཞིན།། བརྩོལ་བསྒྲུབ་མེད་པར་རང་སར་གྲོལ།། དེ་སྐར་དུས་བཞི་བསྒོམ་པ་ལ།། བྱིང
10b2 པ་བརྒྱད་དང་རྒོད་པ་ལྔ།། བྱིང་རྒོད་སྐྱོན་དུ་གཏང་མི་བྱ།། བྱིང་ན་སེང་ལ་རྒོད་ན་བསྡུ།། དེ་ལྟར་ཟླ་བ་དྲུག་བསྒོམས་ན།། གཡོལ་དང་གོམས་དང་ཐོབ་དང་བསྟན།། གསལ་བ་ན་མཁའ་ལྟ་བུ་འབྱུང་།། ན་མཁའ་དངས་པའི་ཟླ་བ་བཞིན།། ཀུན་ལ་སྙོམས་ལ
10b3 རྟོག་སྒྲིབ་མེད།། ཁ་སྐོམ་ཟས་དང་བྲལ་བྱས་ཀྱང་།། མདངས་དང་དབང་པོ་གཏིང་ནས་གསལ།། བཟོད་ཐོབ་ཆོས་བརྒྱད་སྤོང་ལེན་མེད།། འདོད་ཡོན་ལྔ་ལས་རྣམ་པར་གྲོལ།། ཉོན་མོངས་ཞེར་འཛིན་རྟོག་པ་ཟད།། ལུས་ནི་ཤིང་བལ་ལྟ་བུར་ཡང
10b4 དབུགས་ནི་འབྱུང་འཇུག་མེད་པའི་ཉམས།། གྲུབ་པའི་རྟགས་རྣམས་འཆར་བ་དང་།། མངོན་ཤེས་ལ་སོགས་མཚན་མ་མཐོང་།། མཁའ་གྲོ་ལུང་སྟན་ལ་སོགས་འབྱུང་།། དེ་ལ་དགའ་བྲོད་མི་བྱ་ཞིང་།། མེད་ཀྱང་ཇི་མི་སྙམ་པའི་ཉམས།།
10b5 གཉིས་མེད་གསལ་ཁྱབ་ཁྱུད་ཆེན་རྒྱས།། ཀུན་གཞི་སྐྱེ་མེད་སྙིང་པོ་ལ།། བསྒོམ་དང་མི་བསྒོམ་རྟོག་ལས་འདས།། རྟོག་འདས་དོན་གྱི་ཡེ་ཤེས་ལ།། བསྒོམ་ཕྱིའི་ཆོས་ཉིད་གུད་ན་མེད།། བསྒོམ་པ་མིང་དུ་བཏགས་པས་ནོར།། ཅི་ཕྱིར་བརྗོད་པ
10b6 ཀུན་དང་བྲལ།། རྣམ་རྟོག་གཉེན་པོར་མི་རྟོག་བསྒོམ།། དེ་ཀ་རྟོག་པ་ཆེན་པོ་ཡིན།། རྟོག་པའི་མཚན་མ་ཅི་སྐྱེས་ཀྱང་། དེ་ཉིད་ཆོས་ཉིད་ཡིན་ཤེས་ན།། དུག་ལ་སྨན་དུ་ཤེས་པ་བཞིན།། ཆོས་ཉིད་གཞན་ནས་བཙལ་མི་དགོས།། གསལ་ལ་རྟོག
iiif viewer powered by OpenSeadragon
