| e-texts navigator |
| Wylie |
10a1 བྲལ། སྤྱད་དུ་མེད་པས་བསྒྲུབ་དུ་མེད།། རང་གྲོལ་སྔགས་དང་ཕྱག་རྒྱ་དག། མཆོད་བཤགས་འཕྲིན་ལས་གདོད་ནས་རྫོགས།། ལམ་ལྔ་ཕ་རོལ་ཕྱིན་བཅུ་རྫོགས།། འགྲོ་བ་མུ་སྟེགས་རིམ་དགུ་རྫོགས།། སྣང་སྲིད་འཁོར་འདས
10a2 ཐམས་ཅད་རྫོགས།། པ་དང་འབ་བཞིན་བདག་ཉིད་གསུམ།། དབྱིངས་དང་ཀློང་དང་རྫོང་ཆེན་ནོ།། གཞི་དང་ལམ་དང་འབྲས་བུ་གསུམ།། མ་སྐྱེས་མི་འགགས་ལྷུན་གྱིས་གྲུབ།། ལྷུན་གྲུབ་མ་ནོར་དག་པའི་རྫོ་།། ཕྱོགས་མེད་འང་གྲོལ་དངོས་སྤྲུགས
10a3 དབྱིངས། གསལ་ཁྱབ་གཉིས་མེད་བདེ་ཆེན་ཀློང་།། སྐུ་གསུམ་ལྷུན་གྲུབ་སྙིང་པོ་ཨ།། རྒྱ་མཚོ་དང་མཉམ་པ་རྙོག་མ་མེད་པའི་རྒྱུད་ལས།། ལྟ་བའི་ལེའུ་སྟེ་གསུམ་པའོ།། ། དེ་ནས་བཅོམ་ལྡན་བཀའ་སྩལ་པ།། གདོད་ནས
10a4 གསལ་བས་བྱིང་རྒོད་བྲལ།། བསྒོམ་བྱ་ཆོས་ཉིད་གུད་ན་མེད།། འདི་ནི་དོན་དམ་བདེ་ཆེན་དང་།། མ་བཅོས་མ་ཡེངས་རང་སར་གྲོལ།། དྲན་པ་རང་གྲོལ་དོན་དམ་དབྱིངས།། སོ་མ་ལྷུག་པ་གྱི་ན་རྩམ།། མིང་ཙམ་བསྒོམ་ཞེས་དེ་ལ་བྱ།། དྲན་འཛིན
10a5 མ་སྐྱེས་སྤྲོས་བྲལ་དང་།། མཉམ་ཉིད་མཁའ་འདྲ་རྙོག་མ་མེད།། ལྷུན་གྲུབ་པརྟོགས་པས་བྱ་བ་རྩལ་བྲལ།། དང་པོ་ཞི་གནས་དུས་སུ་ནི།། དྲན་པ་ཤེས་བཞིན་རྩི་ཡིས་གཟུང་།། དཔེར་ན་གླང་ཆེན་ལྕག་ཀྱུ་བཞིན།། མ་ཡེངས་དྲན་པ་རབ་སར་གྲོལ།
10a6 གཉིས་པ་མཉམ་བཞག་དུས་སུ་ནི།། ཤེས་བྱ་ཆོས་ཉིད་བུམ་པར་གཞུག། གསེར་བུམ་ཏིལ་གྱི་སྒྲོན་མེ་བཞིན།། འགྱུར་མེད་རིག་པ་ནང་ན་གསལ།། གསུམ་པ་རྗེས་ཐོབ་དུས་སུ་ནི།། དབང་པོ་མི་དགགའང་ཡན་བཞག། གསེར་གླིང་བརྡལ་བའི
iiif viewer powered by OpenSeadragon
