| e-texts navigator |
| Wylie |
3b1 ངོ་བོ་རང་རིག་དབྱིངས། ཁ་ཕྱོགས་བཅུ་བརྒྱ་དང་བྲལ་བ་ཡི།། བཅོས་པ་མེད་པའི་འཁོར་ལོ་ལ།། མ་བཀོད་ཤར་བའི་དཀྱིལ་འཁོར་མཆོག། ཐམས་ཅད་མངོན་སུམ་ཤར་བ་ཡང་།། བྱིན་རླབས་མཐུ་ལ་མི་ལྟོས་པར།། ཡིད་བཞིན།
3b2 ལྷུན་གྱིས་གྲུབ་པ་ནི། བསྔོ་དང་བྲལ་བས་མཆོད་པའི་མཆོག། རྟོགས་པའི་རྒྱལ་མཚན་ཤར་བའི་ཕྱིར།། བདེ་ངོ་བོ་བདག་ཉིད་སྐུ།། དོན་ལ་རིམ་པས་མི་འགྲུབ་པས།། ཐོགས་པ་མེད་པ་དབང་གི་མཆོག། ཕྱོགས་བཅུའི་འཇིག
3b3 རྟེན་རབ་འཇམས་ན།། གཡོ་ཞིང་བསྐྱོད་པའི་ཆོས་རྣམས་ཀུན།། རང་བྱུང་སྤྲུལ་པ་བསམ་ཡས་ཀྱིས།། བྱ་བྱེད་མེད་པའི་ཕྲིན་ལས་ཕུལ།། མི་དམིགས་བྱམས་པ་ཆེན་པོ་སྟེ།། མཐའ་ཡས་ཐུགས་རྗེ་ཆེན་པོ་ཡིན།། རབ
3b4 འཇམས་པདེ་ལ་དགའ་བ་སྟེ།། སྟོང་ཉིད་གསལ་བ་གཏང་སྙོམས་སོ།། གསང་སྔགས་ཆེན་པོའི་ཁྱད་པར་ནི།། རང་རིག་རྒྱལ་བའི་ཐུགས་རྗེ་ཡིས།། བག་ཆགས་རྡུལ་དུ་བརློག་པ་དང་།། མཚན་མ་ཟིལ་གྱིས་གནོན་པ་ནི།།
3b5 ཁྱུང་ཆེན་མཁའ་ལ་ཐོགས་མེད་པས།། སྟེང་འོག་རིམས་ཀྱིས་མི་བགྲོད་སྟེ།། སྣང་བ་དུས་གཅིག་གསལ་བ་ནི།། སྐྱེ་འགྲོ་འདུལ་བའི་གཉེན་པོ་ཡིན།། སེ་གེའི་སྐད་ལ་འཇིགས་མེད་པས།། གཅན་ཟན་རིམས་ཀྱིས་མི་འདུལ
3b6 ཏེ།། གཞན་གྱིས་རྩོལ་བས་མི་ཆུང་བས།། དུད་འགྲོ་འདུལ་བའི་གཉེན་པོ་ཡིན།། རང་བཞིན་གསལ་བའི་བྱང་ཆུབ་སེམས།། རྒྱུ་འབྲས་རིམས་ཀྱིས་མི་བགྲོད་སྟེ།། བདེ་ཆེན་མཁའ་ལ་ཐོགས་མེད་པས།། རྣམ་རྟོག
iiif viewer powered by OpenSeadragon
