| e-texts navigator |
| Wylie |
3a1 བསྲུངས་ཕྲ་བཀོད་པའོ།། བྱང་ཆུབ་སེམས་བདེ་བ་ཕྲ་བཀོད་པ་རྫོགས་སོ།། ། @#། བཅོམ་ལྡན་འདས་རྡོ་རྗེ་བསྐལ་པའི་བདག་པོ་ལ་ཕྱག་འཚལ་ལོ།། སྲིད་པར་བཅས་པའི་འཇིག
3a2 རྟེན་དང་།། ཐུགས་རྗེར་བཅས་པའི་ཕོ་བྲང་ཀུན།། སྤྲུལ་པའི་འཁོར་ལོ་འོད་འབར་བའང་།། མངོན་སུམ་སངས་རྒྱས་མཁའ་ལ་ཤར།། ཕྱོགས་བཅུའི་འཇིག་རྟེན་མང་པོ་ནས།། སྤྱན་དྲངས་ལ་སོགས་རྩོལ་བའི་ནད།། བདེ་བ
3a3 གསལ་བའི་ཐིག་ལེ་ལས།། སངས་རྒྱས་གཞན་དུ་མི་རྩོལ་ལོ།། སེམས་དང་ཆོས་ལས་སངས་རྒྱས་གཞན་ན་མེད།། མཉམ་ཉིད་ན་མཁའ་ལྟ་བུའི་རང་བཞིན་ལས།། སྣ་ཚོགས་མཚན་མ་རྡུལ་དུ་བརླག་པའི་ཕྱིར།། ཕྱག་རྒྱའི་ཚོག
3a4 ཀྱང་བསྐལ་པའི་མེ་ལྟར་འབར།། ཡ་ནས་ལྷུན་གྱིས་གྲུབ་པའི་རང་བཞིན་ལས།། རྩོལ་བའི་སྡུགོ་བསྔལ་རྒྱ་མཚོའི་རླབས་དང་འདྲ།། ཆོས་སོ་ཅོག་གི་ངོ་བོ་ཉིད།། མ་བཙལ་བཞག་པས་རྡུལ་དུ་བརླག། ཐམས་ཅད་བདག་ཉིད་རང་གི
3a5 ལྒ། དཀྱིལ་འཁོར་ཀུན་ཏུ་ཞུགས་པ་ལ།། དུས་གསུམ་མཉམ་སྦྱོར་འབྱུང་འཇུག་མེད།། མ་བཙལ་ལྷུན་གྱིས་གྲུབ་པར་འགྱུར།། ཕྱི་ནང་སྤྱོད་ཡུལ་མ་ལུས་པ།། མཉམ་དག་ལྷུན་གྱིས་གྲུབ་པ་ལ།། དུས་གསུམ་མཉམ་པར
3a6 བཞག་པ་ནི།། བཅིང་དུ་མེད་པའི་ཕྱག་རྒྱ་ཡིན།། མི་ཕྱེད་ཐིག་ལེར་གཅིག་པ་ལ།། དུས་གསུམ་འབྱུང་འཇུག་མེད་པ་ནི།། སངས་རྒྱས་ཀུན་དང་མཉམ་པའི་ཕྱིར།། བ་སྲུང་དུ་མེད་པའི་དམ་ཚིག་མཆོག། ཁམས་གསུམ
iiif viewer powered by OpenSeadragon
