| e-texts navigator |
| Wylie |
8a1 ལྟ་བའི་ལ་ཟླ་ཡིན།། དམིག་སུ་རྡུལ་ཙམ་མེད་པས་བསྒོམ་པའི་ལ་བཟླ་ཡིན།། ལུས་ངག་རྩོལ་བ་མེད་པས་སྤྱོད་པའི་ལ་ཟླ་ཡན།། སངས་ལ་རྒྱས་མེད་པས་འབྲས་བུ་ལ་བཟླ་ཡིན།། གཞན་དུ་བཙལ་དུ་མེད
8a2 པས་ལམ་གྱི་ལ་ཟླ་ཡིན།། བཅོས་སུ་མེད་པར་སེམས་དཔས་དགོངས་པར་གྱིས།། བཅོས་སུ་མེད་པར་ལ་ཟླ་བའི་ལེའུ་སྟེ་དྲུག་པའོ།། །། དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོས། དགོངས་པ་ན་མཁ
8a3 ལྟར་ཀུན་ལ་ཁྱབ་པ་འདི་གསུངས་སོ།། ཀྱཻ། སེམས་དཔའ་ཆེན་པོ་དེ་དགོངས་ཤིག། ཆོས་ཉིད་བྱང་ཆུབ་སེམས་ནི་ནམ་མཁའ་འདྲ།། ནམ་མཁའ་ཀུན་ཁྱབ་བདག་ཏུ་འཛིན་པ་མེད།། ཆོས་ཉིད་བྱང་ཆུབ་སེམས་ཀྱང་ཀུན་གྱི་རང་བཞིན
8a4 ཏེ། བདག་དང་བདག་ཏུ་གྲུབ་པ་རྡུལ་ཙམ་མིན།། ན་མཁའི་ངང་ན་སྣ་ཚོགས་ཀུན་ཁྱབ་གནས།། འཁོར་དང་མྱང་འདས་ཆོས་ཉིད་དབྱེར་མི་ཕྱེད།། སྣ་ཚོགས་ཇི་ལྟར་ཤར་ཡང་ན་མཁའི་ངང་དུ་རྫོགས།། དྲན་རྟོག་བདེ་དང་།
8a5 སྡུག་བསྔལ་ཆོས་རྣམས་ཀྱང་།། སེམས་ཉིད་སྐྱེ་མེད་དབྱིངས་སུ་མ་རྫོགས་མེད།། སངས་རྒྱས་རང་ལ་རྫོགས་པས་སངས་རྒྱས་ས།། སངས་རྒྱས་འདོད་སྒྲུབ་མེད་པས་ལ་བཟླ་རང་དུ་བཟླ།། འཁོར་བ་རང་ལ་རྫོགས་པས་ལྟུང་བའི་གཡངས
8a6 མིམེད། བདེ་སྡུག་སེམས་སུ་རྫོགས་པས་ལ་བཟླ་རང་དུ་བཟླ།། གཉིས་མེད་རང་ལ་རྫོགས་པས་ཐ་དད་འདུ་ཤེས་བྲལ།། ཉག་ཅིག་སེམས་སུ་རྫོགས་པས་ལ་བཟླ་རང་དུ་བཟླ།། ཐེག་པ་རང་དུ་རྫོགས་པས་གྲུབ་མཐའི་ཁ་འཛིན་བྲལ།།
iiif viewer powered by OpenSeadragon
