| e-texts navigator |
| Wylie |
7b1 འདས་དང་མ་འོངས་ད་ལྟར་སངས་ཀྱིས།། སྔར་ཡང་མ་བཅོས་ད་ལྟ་འཆོས་པ་མེད།། ཕྱིས་ཀྱང་འཆོས་པར་མི་འགྱུར་བཅོས་མེད་དབྱིངས།། མིག་ལ་གཟུགསུ་ཤར་བའི་སྣང་བ་ཡང་།། མིང་ཡང་ཆེད་དུ་གཟུང་བ
7b2 མེད་པའི་ངང་།། མ་གཟུང་སྣང་བ་ཅི་ཤར་ཀུན་བྱེད་སྐུ།། རྣ་བར་སྒྲ་རུ་གྲགས་པའི་ཆོས་རྣམས་ཀྱང་།། སྙན་དང་མི་སྙན་བྱུང་ཚོར་ཅི་བྱུང་ཡང་།། མ་བཅོས་མི་བཅོས་བཅོས་པ་མེད་པར་བཞག། རང་ལ་ལྷུན་གྱིས་གནས
7b3 པས་བཅོས་མི་དགོས།། བཅོས་ན་བཅོས་པས་འཛིན་པའི་ལ་མི་ཟློས།། དྲི་དང་རོ་དང་རེག་བྱ་ལ་སོགས་པ།། གང་ལེ་བཅོས་པར་མི་བྱ་མི་བཅོས་པར་ཡང་མ་ནི།། གང་ལ་གཉེན་པོ་མ་ཞུགས་བཅོས་མེད་མཆོག།
7b4 བསམ་པ་ཅི་སྐྱེས་རང་བྱུང་ཡེ་ཤེས་ལ།། དེ་ལས་ལྷག་པ་འདོད་ན་རྩོལ་བའི་ནད།། རང་ཤར་འདོད་མེད་ཆོས་ཀྱི་ལ་བཟླས་ན།། འདི་ལ་འདོད་པར་མི་བྱ་དོར་མི་བྱ།། ཕྱི་མར་འདོད་པར་མི་བྱ་དུས་གསུམ་འདོད་དང་བྲལ།། འདོད་བྲལ་ན་བཅོས
7b5 མེད་དབྱིངས་ན་གནས།། ཆོས་ཀྱི་དབྱིངས་ལ་སྔ་ཕྱི་འགྱུར་བ་མེད།། གང་ཟག་བློ་ཡིས་དེ་ལ་བཅོས་སུ་མེད།། འཁོར་བའི་ལུས་ངག་ཡིད་ནི་བཅོས་པ་ལ།། ལ་ཟླ་བ་ནི་རང་བྱུང་ཤར་བས་བཟླས།། ལུས་ལམ་བཅོས་སྐུ་ཡི་ལ་ཟླ་ཡིན།། ངག་མ་བཅོས་པ
7b6 གསུང་གི་ལ་ཟླ་ཡིན།། དྲན་པ་མ་བཅོས་ཐུགས་ཀྱི་ལ་ཟླ་ཡིན།། སངས་རྒྱས་འདོད་བྲལ་སངས་རྒྱས་ལ་ཟླ་ཡིན།། དངོས་པོ་སྤངས་མེད་སྟོང་པའི་ཡ་ཟླ་ཡིན།། སྡུག་བསྔལ་དོར་མེད་བདེ་བའི་ལ་ཟླ་ཡིན།། ཆོས་ཉིད་ཡུལས་འདས་པ
iiif viewer powered by OpenSeadragon
