| e-texts navigator |
| Wylie |
5a1 བ་ལ། ཤི་ནས་སྐྱེ་བའི་དགོངས་བསམ་མ་བྱེད་ཅིག། རང་གི་སེམས་འདི་སྐྱེ་བ་མེད་སེམས་ནས།། ཕ་རོལ་མི་འབྱུང་སྙམ་སེམས་མ་འཆའ་ཅིག། ཐོས་དང་བསམ་དང་དགོངས་པའི་ཆོས་རྣམས
5a2 ནི། བྱིས་ཆོས་རྩེད་མོ་ཙམ་དུ་དགོངས་མཛོད་ལ།། དམིགས་མེད་ཕྱོགས་བྲལ་ཕྱོགས་ལས་འདས་པར་མཛོད།། ཕྱོགས་ཆ་བྲལ་བའི་གང་ཐོག་སུ་ཡང་རུང་།། འཁོར་བར་མི་གནས་མྱ་ངན་འདས་མི་གཡོ།། ཡུལ་སེམས
5a3 གཉིས་མེད་དྲན་པའི་རྒྱུ་འགྲུལ་ནི།། བདག་ཏུ་འཛིན་པའི་ཤེས་རྒྱུད་འཆད་པར་ངེས།། སྐྱེ་འཆིལ་ཟླ་བའི་ལེའུ་སྟེ་གསུམ་པའོ།། །། དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོས། སངས་རྒྱས་ལོགས་ན
5a4 མེད་པར་ལ་ཟླ་བ་འདི་གསུངས་སོ།། ཀྱཻ་སེམས་དཔའ་ཆེན་པོ་དེ་དགོངས་ཤིག། སངས་རྒྱས་ཞེས་ནི་མང་དུ་བཏགས་པ་ནི།། སྐུ་གསུམ་སྟོན་པ་དྲང་བའི་ལུང་བསྟན་ཡིན།། མི་ཤེས་བྱིས་པ་ལྟ་བུའི་འབྲིད་བཀོལ་ཡིན།།
5a5 སེམས་ཉིད་སྐྱེ་མེད་ང་བྱངས་ལ་ཆོས་སྐུ་བྱས།། བསྒྲུབས་པས་རྣམ་གཅིག་ཐོབ་པར་བྲོད་པ་བསྐྱེད།། སེམས་ཀྱི་རང་བཞིན་ཅིརི་ཡང་སྣང་བ་ལ།། རྣམ་པར་སྣང་མཛད་ཞེས་བྱའི་བསམ་བསྒོམས་པས།། ལོངས་སྤྱོད་རྫོགས་པའི
5a6 སྐུ་རུ་བསྟན་པ་ཡང་།། དེ་བཞིན་ཉིད་དུ་ནམ་ཞིག་འགྱུར་རོ་ཞེས།། དེ་བསྟན་དེ་ཡང་དྲང་བའི་ལུང་བསྟན་ཡིན།། ངེས་པར་འབྱུང་བ་སྨན་པའི་ཤཱག་ཐུབ་ལ།། སྤྲུལ་པའི་སྐུ་ཡིནི་ཚོགས་རྫོགས་ལས་བྱུང་ཞེས།། དེ་བཞིན་ཉིད་དུ
iiif viewer powered by OpenSeadragon
