| e-texts navigator |
| Wylie |
4b1 པས་གཟུང་བྱས་ནས།། འབྱུང་བའི་དར་གུད་སྐྱེ་འཇིག་བྱུང་བ་ལ།། སྐྱེ་ཤི་ཡ་ནི་ཞེས་མྱ་ངན་འབྱུང་བ་ཡིན།། བྱང་ཆུབ་སེམས་ལ་སྐྱེ་ཤི་ཡོད་མ་མྱོང་།། དཔེར་ན་ན་མཁའ་སྐྱེ་འཆི་མེད་པ་བཞིན།། དེ་བཞིན་སེམས་ལ
4b2 སྐྱེ་འཆི་མེད་པ་ཡིནི།། འབྱུང་བས་ཆུ་མེ་རླུང་བཞི་ལ་ཡོང་།། སྐྱེ་ཤིའི་ཐ་སྙད་ཡི་ནས་མེད་པ་བཞོན།། དེ་བཞིན་ལུས་ལ་སྐྱེ་ཤི་ཡོད་མ་ཡིནི།། ཀྱེ་སེ་དེའ་ཆེན་པོ་དེ་དགོངས་ཅག།། འདི་ལས་ལྷག་པའི་ཆོས་ལ་མ
4b3 རྟོག་ཤིག། བརྟགས་ན་སྙིང་པོའི་དོན་ལ་སྒྲུབ་པ་ཡིན།། ལུས་ངག་བཅོལ་བ་དང་དུ་མ་ལེན་ཅིག། བླངས་ན་རྩོལ་བའི་ནད་ཀྱིས་གོལ་བ་ཡིན།། གོལ་ས་སྒྲིབ་པ་རང་ས་མ་འཛིན་ཅིག། གང་གིས་རང་ས་གཟུང་བ་དེ
4b4 ཡིས་ནི།། ལྷུན་གྲུབ་སྙིང་པོའི་དོན་ལ་ལ་མི་ཟློས།། ལ་ཟློས་ཆོས་སུ་གསུངས་པ་དེ་ལ་ནི།། བདག་དང་གཞན་དུ་གྲུབ་པ་གཉིས་མེད་པས།། རྩིས་མེད་རྩིས་ལས་འདས་པར་རང་ཡིས་བསྟན།། རང་ལ་ལྷུན་གྱིས་གྲུབ་པས
4b5 བསྒྲུབ་མི་དགོས།། དམིགས་པའི་ཡུལ་ལས་འདས་བསྒོམ་མི་དགོས།། མཚོན་པའི་ཚིག་ལས་འདས་པས་ཤེས་མི་དགོས།། ཡིད་ཀྱིས་བྱས་པ་ཀུན་དང་བྲལ་བས་ན།། གཞུངས་པའི་ཡིད་ཀྱིས་དེ་ལ་བསམ་དུ་མེད།།
4b6 རྒྱུ་མེད་རྐྱེན་ལས་བྱུང་བ་མ་ཡིན་པས།། བསོད་ནམས་ཚོགས་ཀུན་ངེས་པར་བསག་ཏུ་མེད།། ཡེ་ནས་ང་ཡིས་བྱས་པས་ཆོས་ཡིན་པས།། འབྲས་བུ་དུས་ལ་ལྟོས་པའི་རེ་བ་བཅའ་མི་དགོས།། རིག་སྟོང་རྩ་བ་ཡེ་ནས་མེད
iiif viewer powered by OpenSeadragon
