| e-texts navigator |
| Wylie |
3a1 ཡིད་ལ་དམིགསུ་མེད་པས་བསྒོམ་པའི་ཤེས་རབ་ཡིན།། ཤེས་རབ་རྣམ་གསུམ་སོམས་ཀྱི་རང་བཞིན་ལ།། སེམས་ལ་འདི་ཞེས་བརྗོད་དུ་ཡོད་མ་ཡིན།། མ་བརྗོད་སྙན་གྱིས་དེ་ལ་གསམ་དུ་མེད།། དེ་བཞིན་ཡང
3a2 ཀྱི་བསམ་པ་ཀུན་དང་བྲལ།། ཞེས་ཕུན་སུམ་ཚོགས་པ་ལྔ་རང་དུ་ལ་ཟླ་བའི་ལེའུ་སྟེ་དང་པོའོ།། །། དེ་ནས་ལྟ་བསྒོམ་དམ་ཚིག་ལ་བཟླ་བའི་དགོངས་པ་འདི་གསུངས་སོ།། ཀྱེ་སེམས་དཔའ་ཆེན་པོ་དགོངས
3a3 ཙག། སེམས་ཉིད་ངོ་བོ་མངོན་དུ་ཕྱུང་བ་ཡི།། སྣང་སྲིད་ལྟ་བའི་ཆོ་འཕྲུལ་ཤར་བ་ལ།། ཡིད་འཇོགས་སེམས་ཀྱིས་བསྒོམ་པར་མ་བྱེད་ཅིག། རང་བྱུང་བསྒོམ་པ་རྫོགས་པར་མ་བསྒོམས་ན།། བསྒོམས་པས་སྣང་སྲིད་བསྒོམ་གྱིས
3a4 མི་ལང་ཅིང་།། བསྒོམས་དང་མ་བསྒོམས་སྟོན་མཉམ་པ་ལ།། འོག་མ་པ་བཞིན་དམིགས་པའི་བསྒོམས་པ་ཡིས།། གང་བསྒོམས་རྩོལ་བའི་ནད་ཀྱིས་ཟིན་པ་ལ།། ཆོས་ཉིད་དོན་དུ་འགྱུར་བ་ཅིག་ཀྱང་མེད།། མ་བསྒོམས
3a5 ངན་དུ་སོང་བའི་རྒྱུ་མེད་པས།། སྒོམ་དང་མི་སྒོམ་དགོངས་པ་མ་ལེན་ཅིང་།། གནས་པ་གཞི་ཆེ་འབྱུང་བ་རྒྱུ་ཕྱུག་པས།། སྣ་ཚོགས་མི་འཆར་གང་ཡང་མེད་པ་ཡིན།། ཅི་བྱུང་རང་ཤར་ཆོས་ཉིད་ངོ་བོར་སྣང་།། གང་ཟག་བློ་ཡི་དེ་ལ་ཇི
3a6 ལྟར་བསྒོམ།། འདི་ཡིན་ངེས་པ་མེད་པས་བསྒོམ་དུ་ཡོད་མ་ཡིན།། བསྒོམ་དུ་མེད་པར་འཇོག་པའི་བདག་པོ་ཡང་།། རྡུལ་ཙམ་ཡོད་པར་ཀུན་བྱེད་ངས་མ་གསུངས།། དེ་བས་རྩིས་མེད་ཕྱོགས་ལས་འདས་པ་ལ།། སེམས
iiif viewer powered by OpenSeadragon
