| e-texts navigator |
| Wylie |
10a1 བདེ་ཆེན་དེ། ཡོངས་ལ་རྫོགས་པར་ཤེས་ནས་སྨོན་པ་སུ་ལ་འབུལ།། རྒྱ་མཚོའི་ཆུ་ཡིས་ཆུ་ལ་སྨོན་པ་མེད་པ་བཞིན།། བྱང་ཆུབ་སེམས་ཀྱིས་སེམས་ལ་སྨོན་དུ་མེད་པ་ཡིན།། སྨོན་པ་གཞན་དུ་འབུལ་ན་རང
10a2 གི་དོན་རྟོགས་མིན།། དེ་བཞིན་དོགས་པ་བྱེད་པའང་དེ་དང་མཚུངས་པ་ཡིན།། ཡུལ་ལ་དམིགས་པ་བཅུག་ན་རེ་དོགས་ནམ་ཡང་འབྱུང་།། སེམས་ཀྱི་རང་བཞིན་སྐྱེ་མེད་ཡིན་པར་དགོངས་ནས་ནི།། རེ་དོགས་དམིགས་པ་རྡུལ
10a3 ཙམ་མེད་པར་ཤི་བས་ཆོག། ཀུན་ཏུ་བཟང་པོའི་རང་བཞིན་ཉིད་དུ་དེ་འགྱུར་རོ།། བདག་དང་བཅས་པའི་ཡུལ་ལ་འཇུག་པའི་རྒྱུ་མ་མཆིས།། བདག་མེད་སྐུ་གསུང་ཐུགས་ཀྱི་འགྲོ་དོན་རྫོགས་པར་བྱེད།། རྟག་དང་ཆད་པའི་རྩིས་གདབ་བློ།
10a4 ཡིས་མ་ལེན་ཅིག། བློས་བླངས་ཐ་རེ་དོགས་མཐར་ལྷུང་འཆིང་བའི་རྒྱུ།། རྟོགས་པའི་སེམས་ལ་འཆིང་བྱ་འཆིང་བྱེད་གཉིས་ལས་གྲོལ།། སྣང་བ་ཙམ་མེ་ལམ་མེ་འདི་ལས་ལྷག་པ་མེད།། དབང་པོ་འགགས་ན་དེར་འཛིན་སྣང་བ་གྲོལ
10a5 པར་འགྱུར།། སེམས་ཉིད་བྱང་ཆུབ་སེམས་ལ་འཕོ་འགྱུར་ཡེ་ནས་མོད།། སེམས་དཔའ་ཆེན་པོས་དེ་ལྟར་དགོངས་པ་ལོང་མཛོད་ཅིག། ཆོས་ཉིད་རྒྱ་མཚོ་ལྟར་ལ་ཟླ་བའི་ལེའུ་སྟེ་བརྒྱད་པའོ།། ། བྱང་ཆུབ་སེམས་ཀུན
10a6 བྱེང་རྒྱལ་པོས་ཁྱུང་ཆེན་རྩལ་རྫོགས་ལྟ་བུའི་དགོངས་པ་འདི་གསུངས་སོ།། ཀྱེ་སེམས་དཔའ་ཆེན་པོད་དགོངས་ཤིག། ཁྱུང་ཆེན་རྩལ་རྫོགས་མཁའ་ལ་ལྡིང་བས་སྤྲོ་བསྡུ་མེད།། སེམས་ཉིད་སྐྱེ་མེད་ཡེ་ནས་རྩལ་རྫོགས་བྱ
iiif viewer powered by OpenSeadragon
