| e-texts navigator |
| Wylie |
49b1 དེ་འཛིན་ཞེས་བྱ།། རྣལ་འབྱོར་ལྡན་པ་འདིས་ཐོབ་པོ།། ཀྱེ་མ་བྱང་ཆུབ་སེམས་དཔའ་ཉོན།། ཐོག་བབ་ཆེན་པོའི་ཏིང་འཛིན་ནི།། གང་གིས་འདི་ལ་གོམས་སྤྱོད་ན།། སྣང
49b2 བ་ཀླན་ལ་དབང་བསྒྱུར་ཐོབ།། དེ་ཡི་རིམ་པའི་རྩལ་རྣམས་ནི།། རྣམ་པར་བསྒོམ་པ་གང་འདོད་པ།། འདི་ཀུན་བློ་ཡི་ཡུལ་དུ་བྱ།། ཡུལ་རྐྱེན་རྟོག་པར་རང་ཤར་ཚེ།། འདི་ཀུན
49b3 བཞིན་མེད་ཤེས་ན།། སྣང་བ་ཐམས་ཅད་སྒྱུ་མའམ།། རྨི་ལམ་དང་ནི་གཟུགས་བརྙན་ལྟར།། མི་རྟོག་གཟུགས་སྣང་ཆེན་པོའི་ཉམས།། སུ་ཡི་རྒྱུད་ལ་ཤཱར་བ་དེ།། སྣང་བ
49b4 རྣམས་ནི་ཐོག་བབས་སུ།། སྣང་རྐྱེན་རྒྱུད་ལ་མི་འཆར་བར།། ཕྱིར་མི་ལྡོག་པའི་ཏིང་འཛིན་ཐོབ།། ཀྱེ་མ་རང་གི་འོད་ཟེར་གྱིས།། འཁོར་བ་འཇིག་པའི་བྱང་ཆུབ་སེམས།།
49b5 རྒྱས་འདེབས་ཆེན་པོའི་ཏིང་འཛིན་ནི།། སུ་ཞིག་བསྒོམ་པར་འདོད་པའི་མིས།། མི་འགྱུར་བ་ཡི་གནད་གཟིར་ཕྱིར།། ལུས་ཀྱི་འདུག་སྟངས་གཟིར་བྱས་ནས།། ཤེས་པ
49b6 ནམ་མཁའི་མཐོངས་སུ་འཕངས།། དེ་བཞིན་མིག་གིས་བར་སྣང་ལ།། གླང་པོ་ཆེ་ཡི་ལྟ་སྟངས་ཀྱིས།། དྲན་མེད་རྒྱས་འདེབས་ཆེན་པོར་བཞག། དེ་ལྟར་རིག་པ་ནམ
iiif viewer powered by OpenSeadragon
