| e-texts navigator |
| Wylie |
35a1 འདས་པའི་སྐུ་མ་ཤེས་ན། རིག་པ་ལུ་གུ་རྒྱུད་ཀྱི་སྐུ་ལ་ལྟོས་ཤིག། ཆོས་ཐམས་ཅད་ཀྱི་ཡེ་ཤེས་ངོ་ཤེས་པར་འདོད་ན། ཡིད་རང་བྱུང་གི་ཡེ་ཤེས་ལ་དྲིས་ཤིག།
35a2 སངས་རྒྱས་ཐམས་ཅད་ཀྱི་སྐུའི་སྣང་བ་བལྟ་བར་འདོད་ན། རིག་པ་མི་འབྱེད་པའི་སྐུ་ངོས་ཟུ་ཤིག། ཆོས་ཉིད་ཡུལ་གྱི་སྣང་བ་ལ་གཏན་ཚིགས་ཀྱི་གཟེར་ཐེབས་པར་འདོད་ན།།
35a3 ཡེ་ཤེས་མཁའ་གསལ་གྱི་སྣང་བ་ལ་ལྟོས་ཤིག། དེ་བཞིན་དུ་སྒྲའི་སྣང་བ་ལ་རྟག་ཏུ་ལྟོས་ཤིག། ཅེས་ནོར་བུ་ཕྲ་བཀོད་ཆེན་པོའི་རྒྱུད་ལས། ཆོས་ལས་སངས་རྒྱས་མི་འབྱུང་བ
35a4 ལེའུ་སྟེ་བཅུ་གཉིས་པའོ།། །། དེ་ནས་ཡང་རིན་ཆེན་རིགས་ཀྱི་མཁའ་འགྲོ་མས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་རྡོ་རྗེ་འཆང་ཆེན་པོ།། རིག་པའི་སྐུ་དང་མཚན་ཉིད
35a5 ཇི་ལྟ་བུ་གསུང་དུ་གསོལ།། དེ་ནས་ཡང་བཀའ་སྩལ་པ། ཀྱེ་རིན་ཆེན་རིགས་ཀྱི་མཁའ་འགྲོ་མ་འཁོར་བྱེ་བ་དང་བཅས་པ་ཉོན་ཅིག། ཡང་དག་པའི་རིག་པ་སྤྱན་ལྔའི་དེ་བཞིན
35a6 ཉིད་ཐོབ་པར་འདོད་ན། རིག་པ་རྡོ་རྗེ་ལུ་གུ་རྒྱུད་ཀྱི་སྐུ་ལ་ལྟོས་ཤིག། དེ་ཡང་རིག་པའི་སྐུ་དེ་མངོན་སུམ་དུ་སྣང་ཞིང་།། མངོན་སུམ་ལ་རབ་ཏུ་གནས་པས། ཤའི་སྤྱན་གྱིས་མངོན
iiif viewer powered by OpenSeadragon
