| e-texts navigator |
| Wylie |
14a1 གང་གིས་བགྱིད་ལགས་སོ།། འདི་ཀུན་བདག་གིས་སྔར་འཚལ་ཀྱང་།། མ་འོངས་སེམས་ཅན་དོན་དུ་ཡང་།། རྡོ་རྗེ་འཆང་ལ་བདག་ཉན་འཚལ།། དེ་ནས
14a2 རྡོ་རྗེ་འཆང་ཆེན་གྱིས།། འདི་སྐད་ཚིག་ཏུ་བཀའ་སྩལ་ཏོ།། ཉོན་ཅིག་རྒྱུད་དག་རྡོ་རྗེ་འཆང་།། ངས་པ་སྟནྡྷ་པ་ལ་ནོར་བ་མེད།། ཁྱོད་ཀྱིས་ནོར་མེད་སེམས་ལ་ཟུང་།། རྣམ་དག
14a3 དབྱིངས་ཀྱི་སྒྲོན་མས་ནི།། རིག་པ་ཡི་ནི་ངོ་བོར་སྡུད།། ལུ་གུ་རྒྱུད་ཀྱི་ར་བར་སྣང་།། འདི་ལ་སུས་གོམས་དོན་དེ་ཉིད།། མཐིང་གྲ་མི་འགྱུར་གསལ་བ་ལ།། མུ་ཁྱུད་ཀྱི་ནི་ར་བར
14a4 གནས།། རང་གསལ་ཕྱི་ཡི་ཡུལ་དུ་སྣང་།། ངོ་བོ་ཉིད་ནི་མ་བཅོས་པའོ།། དབྱིངས་ཀྱིས་རིག་པའི་རང་ཡུལ་བྱེད།། རྡོ་རྗེ་ཉིད་ནི་ལུ་གུ་རྒྱུད།། འདི་ཉིད་ནང་དུ་འཇུག་པར་བྱ།། རང
14a5 གི་ངོ་བོ་རྟོག་མེད་དུ།། ནང་གི་དབྱིངས་ཀྱི་གོ་རར་ཡང་།། མ་བཟུང་མི་གནས་ཚུལ་གྱིས་ནི།། འབྲལ་བ་མེད་པར་རྒྱུན་དུ་གནས།། རྣམ་པ་ཡུལ་དུ་སྣང་བ་ལ།། དག་པ་དྲི་མའི
14a6 གྲངས་མཐའ་ཟད།། སྒྲོན་མ་རྡོ་རྗེ་ལུ་གུ་རྒྱུད།། ནམ་མཁའ་ཉིད་ལ་ཅེར་བཏོན་ཏེ།། རང་བཞིན་མེད་པར་སྣང་བར་བྱེད།། མས་ནི་དེ་ཡི་དོན་གཟིགས་པས།། རང་བཞིན་ཉིད་ཀྱི
iiif viewer powered by OpenSeadragon
