| e-texts navigator |
| Wylie |
13b1 འོད་ནི་མངའ་གང་ཚུན་ཆང་གསལ།། དེ་ལས་མཆེད་པའི་དུས་རྣམས་བཟུང་།། དེ་ཡི་ཐབས་ནི་མན་ངག་ཏུ།། དེ་ཀུན་དེ་ཡི་ངེས་འགྱུར་རོ།། དཔེར་ན་རྨ་བྱའི་མདོངས་དང་མཚུངས།།
13b2 དེ་བཞིན་ཁྭ་ཡི་མིག་གམ་ནི།། ཡང་ན་དེ་བཞིན་ཉ་ཡི་མིག། དེ་བཞིན་སྲོག་ཆགས་རྐུན་མོའི་མིག། འདི་རྣམས་བཞིན་དུ་གནས་པའོ།། ཞེས་སྒྲོན་མ་འབར་བའི་རྒྱུད་ལས།། ཐིག
13b3 ལེ་སྟོང་པའི་སྒྲོན་མ་བསྟན་པའི་ལེའུ་སྟེ་གསུམ་པའོ།། །། སྠཱམྦཉྫ་23ཟླ། དེ་ནས་རྒྱུད་དག་རྡོ་རྗེ་འཆང་།། མེ་གནས་ཡེ་ཤེས་གོ་ཕྱེ་ནས།། ཡང་ནི་འདི་སྐད་བྱ་བ་གསོལ།། ཀྱེ་ཀྱེ
13b4 བཅོམ་ལྡན་རྡོ་རྗེ་འཆང་།། ཐིག་ལེ་སྟོང་པའི་སྒྲོན་མ་ཉིད།། སྟོན་པས་གསུངས་པ་དེ་ལྟར་ན།། ཉིད་ཀྱིས་གོང་དུ་གསུངས་པ་ཡི།། དག་པ་དབྱིངས་ཀྱི་སྨོན་མ་ཉིད།། སྔར་གསུང
13b5 པ་ཡི་ཚིག་འདི་ཡི།། ངོ་བོ་ཅི་ལྟ་བུ་རུ་ལགས།། འདི་ཡི་ངེས་དོན་རྣམ་པ་ཅི།། འདི་ལ་དབྱིབ་དུ་ཙམ་མཆིས།། དེ་ཡི་རང་བཞིན་དེ་ཉིད་གང་།། མཚན་ཉིད་དགོངས་པ་ཇི་ལྟ་བུ།།
13b6 འདི་ལ་གོམས་པ་ཇི་ལྟར་བགྱི།། དེ་ཡི་ཚད་ནི་གང་གིས་བཟུང་།། འདི་ཡི་གནས་ནི་གང་ན་གནས།། དེ་བཞིན་སྒོ་ནི་གང་ནས་འཆར།། དེ་ཉིད་དངོས་ནི་ཇི་ལྟ་བུ།། མཐུན་དཔེ
iiif viewer powered by OpenSeadragon
