| e-texts navigator |
| Wylie |
23b1 ཡང་སྐུ་ཡིས་མ་བྱོན་གསུང་གིས་མ་བསྒྱུར་བར་རིག་པ་སེམས་དང་བྲལ་བའི་ཕྱིར། བཀའ་སྩལ་ཏོ།། དེ་ཡང་ཐུགས་ཀྱིས་མ་དགོངས་པར་བྱིན་གྱི་རླབས་ཀྱིས་རིགས་བཞིའི་སེམས
23b2 དཔའ་རྣམས་ལ་བཀའ་སྩལ་ཏོ།། དེ་ནས་ཡང་རིགས་ཀྱི་སེམས་དཔའ་དེ་རྣམས་ཀྱིས། སྐུ་མངོན་པར་སྣང་བ་མཐོང་བའོ།། གསུང་གིས་བཀའ་སྩལ་པས་ཚིག་གིས་དོན་མཚོན་པའི་ཕྱིར།།
23b3 རང་གི་དོན་རྙེད་པ་ཡང་ཚོར་རོ།། ཐུགས་ཀྱིས་དགོངས་ཏེ་སེམས་ཅན་རྣམས་ལ་བཀའ་བསྒོ་བ་མཛད་པ་ཡང་ཐོས་སོ།། སྨྱོན་པའི་སྐུ་མངོན་པར་སྣང་བ་མཐོང་ངོ་།། རང་རང་གི
23b4 དོན་ཡང་ཐུགས་སུ་ཆུད་དོ།། སེམས་ཅན་རྣམས་ལ་ཡང་སྤྲུལ་པའི་སྐུ་བྱེ་བས་འགྲོ་བའི་དོན་བྱེད་པ་ཡང་མཐོང་ངོ་།། དེ་བཞིན་གཤེགས་པ་དེའི་སྒྲ་ནི་བཞེངས་པ་དང་བཞུགས་པ
23b5 མི་མངའ་འོ། འགྲོ་འོང་མེད་པར་དུས་ཐམས་ཅད་པར་བཞུགས་པའི་ཡེ་ཤེས་རང་ལུགས་སུ་ཤར་བའོ།། དེ་ཅིའི་ཕྱིར་ཞེ་ན་དེ་བཞིན་གཤེགས་པ་ལ་སྐུ་དངོས་པོ་མེད་པའི་ཕྱིར་རོ།། དེ་བཞིན་གཤེགས
23b6 པའི་གསུང་ལ་བསྒྱུར་བ་དང་མ་བསྒྱུར་བ་མི་མངའ་འོ།། དེ་ཅིའི་ཕྱིར་ཞེ་ན་དེ་བཞིན་གཤེགས་པའི་གསུང་སྟོང་པའི་ཕྱིར་རོ།། དེ་བཞིན་གཤེགས་པའི་ཐུགས་ལ་དགོངས་པ་མི
iiif viewer powered by OpenSeadragon
