| e-texts navigator |
| Wylie |
21a1 ཤེས་སྣང་བ་ཡང་རབ་བློ་ལ་རིམ་གྱིས་མ་ཡིན་ཅིག་ཆར་འཆར། དེ་རྣམས་མན་ཆད་བློ་ལ་རིམ་གྱིས་འཆར་ཞིང་ཞག་རེས་བརྟན་པར་འགྱུར། བག་ཆགས་སྲུབས་དང་།
21a2 བྲལ་བའི་ཚེ། ཡང་དག་སུ་ལ་བདེ་ཆེན་མི་གཡོ་བསྟོད་པའི་ཚེ། རྩེ་མོ་མན་ཆོད་ལ། བར་མདོ་ལ་སྣང་བ་རེ་རེ་འཆར་ཞིང་བརྟན་པ་རེ་རེ་འཐོབ།། ཡངས་པའི་གྲོང་ཁྱེར་བདེ་ཆེན་གཞལ
21a3 ཡས་ཤེལ་གྱི་ཁང་པ་བརྩེགས་པའི་ནང་དུ་འགྱུར་མེད་ཐིམ།། རིན་ཆེན་ཤེལ་གྱི་གཞལ་ཡས་ཐུགས་འགག་པ་མེད་པ། སྒོ་ལྔ་སྐྱེ་འབྲི་མེད་པས་སྣ་ཚོགས་ཅིར་ཡང་འཆར།། མ
21a4 འདྲེས་མཛེས་པའི་འོད་ལྔ་ཉིན་ནུབ་མེད་པར་གསལ།། མ་བསྐྱེད་རྫོགས་པའི་གཞལ་ཡས་ཁང་མཛེས་དམ་པ་དེར།། ཕྱི་དང་ནད་མེད་དཀྱིལ་འཁོར་ཐམས་ཅད་འབྱུང
21a5 ཞིང་ལོངས་སྐུ་མ་འདྲེས་གསལ།། དོན་གྱི་ཕོ་བྲང་བརྡལ་བ་ཡེ་ཤེས་འགྱུར་མེད་ངང་ལ་སྲུ་ཡི་ཆོ་འཕྲུལ་འབྱུང་། དེ་བཞིན་ཉིད་ཀྱི་དཀྱིལ་འཁོར་གསང་ཆེན་ཀུན་ལ་རོལ།།
21a6 འབྱུང་བ་ཆེན་པོ་ལྔ་ནི་རིག་པ་རང་ཤ་བཞིན་དུ་ཤེས་པར་བྱ། དང་ས་མས་ཁྱབ་ནས་ཡེ་ཤེས་བརྡལ་བའི་སྐུ།། བག་ཆགས་སྦུབས་ཀྱིས་མི་བསྒྲིབ་སྐར་མདའ་ནམ་མཁར
iiif viewer powered by OpenSeadragon
