| e-texts navigator |
| Wylie |
5b1 ཧ་ཞེས་ཀུན་ཏུ་གྲགས།། ལྷ་དང་མི་ཡི་ཐེག་པ་བཤད།། དེ་ལ་ཡང་ནི་རྣམ་གཉིས་སོ།། ལོག་ལྟ་དང་ནི་ཡང་དག་ལྟ།། ལོག་ལྷའི་ཐེག་པ་བསམ་ཡས་ཀྱང་།། བསྡུས་ན་རྣམ་པ
5b2 གཉིས་སུ་འདུས།། རྟག་ལྟ་དང་ནི་ཆད་ལྟའོ།། རྟག་པར་ལྟ་བའི་གྲུབ་མཐའ་ནི།། རྒྱུ་རྟག་འབྲས་བུ་འགྱུར་བར་ལྟ།། རྒྱུ་ནི་རྟག་པ་ཐེར་ཟུག་ལ།། འབྲས་བུ་ག་ནས་སྐབས་འགྱུར
5b3 བའོ།། དེ་ཡང་ཡི་གེ་ས་ལ་རྫོགས།། ཆད་པར་ལྟ་བའི་གྲུབ་མཐའ་ནི།། གླུ་ནི་ཆུ་ཡི་ལྦུ་བ་བཞིན།། གློ་བུར་དག་ཏུ་འདོད་པ་ལ།། འབྲས་བུ་སྟོང་པ་ཕྱལ་ཆད་དོ།། འཇིག་རྟེན་རྒྱང་པར
5b4 ལྟ་བ་སྟེ།། ད་ལྟའི་ལུས་འདི་བོར་ནས་ནི།། ལུས་ནི་འབྱུང་བའི་བག་ལ་ཞ།། སེམས་ནི་ནམ་མཁའི་བག་ལ་ཞེ།། ཅང་མེད་སྟོང་པ་ཕྱལ་ཆད་དོ།། དེ་ཡང་ཡི་གེང་ལ་རྫོགས།། ལྷ་མིའི
5b5 ཐེག་པ་ཕྱེད་ལྟའོ།། ཡང་དག་ལྟ་བ་ལ་ཡང་རྣམ་གཉིས་སོ།། དེ་ཡང་ཡི་གེ་གཉིས་ལ་འདུས།། ཡི་གེ་གཉིས་པོ་གང་ཞེ་ན།། ཡི་གེ་མ་དང་ཨོཾ་ལ་འདུས།། རྒྱུ་ཡི་ཐེག་པ་དག་དང་ནི།
5b6 གསང་སྔགས་རྡོ་རྗེའི་ཐེག་པའོ།། མཚན་ཉིད་ལ་ཡང་རྣམ་གསུམ་སྟེ།། དེ་ཡང་ཡི་གེ་རྣམ་པ་གསུམ།། ཡི་གེ་བ་དང་ཙ་དང་ནི།། ཡི་གེ་ཝ་ལ་རྫོགས་པའོ།། ཉན་ཐོས་པ་ཡི་གྲུབ
iiif viewer powered by OpenSeadragon
